Elordalyq tört parasportşy Parijde ötetın Paralimpiada oiyndarynda jüldeler üşın synǧa tüsedı. Būl turaly Astana qalasynyŋ ÖKQ brifingınde belgılı boldy, dep habarlaidy astana-akshamy.kz.
Parijde 28 tamyz ben 8 qyrküiek aralyǧynda 23 sport türınen XVII Jazǧy Paralimpiada oiyndary ötedı.
Astana qalasy Dene şynyqtyru jäne sport basqarmasy basşysynyŋ orynbasary İslambek Baimanovtyŋ aituynşa, Parijdegı Paralimpiada oiyndaryna Astana qalasynyŋ sportşylary 4 lisenziia, dziudo jūby boiynşa 3 lisenziia jäne jüzu jūby boiynşa 1 lisenziia jeŋıp alǧan.
Paradziudoda medaldar üşın:
– QR eŋbek sıŋırgen sport şeberı Aqmaral Nauatbek küresedı.
Paralimpiadalyq reitingte ol naşar köretınder arasynda J-2 (48 kg salmaq därejesınde) 1-orynda.
– Dziudodan QR eŋbek sıŋırgen sport şeberı Şamei Erǧali.
Paralimpiadalyq reitingte jalpy zaǧiptar arasynda J-1 salmaq därejesınde (73 kg salmaq därejesınde) 3-oryn alǧan.
– Bauyrjan Arystanbekov-paralimpiadalyq reitingte paradziudodan QR halyqaralyq därejedegı sport şeberı jalpy zaǧiptar arasynda J-1 salmaq därejesınde (90 kg salmaq därejesınde) 7-orynda tūr.
Sondai-aq oiyndarǧa para jüzuden QR halyqaralyq därejedegı sport şeberı Siiazbek Daliev qatysady. Ol 50 m batyrfliai qaşyqtyqta älemdık reitingte 8-orynda.
Aita ketu kerek, paralimpiadalyq lisenziialar üşın küres älı aiaqtalǧan joq. Üstel tennisınen QR sport şeberlerı Altynai Erjanqyzy men Aleksandra Stepanova jäne oq atudan QR sport şeberı Sevda Alieva Paralimpiada oiyndarynda öner körsetu qūqyǧy üşın talasady.
Esterıŋızge sala keteiık, Hanchjou qalasynda (QHR) ötken IV Aziia para oiyndarynda bızdıŋ sportşylar sättı öner körsetıp, paradziudodan jäne jüzuden 2 altyn 1 kümıs jäne 2 qola jeŋıp aldy.
