Elordada «Jūmyspen qamtu – 2020» baǧdarlamasyn tiimdi jüzege asyru eŋbek naryǧyndaǧy eldiŋ belsendiligin arttyrdy. Halyqtyŋ äleumettik problemalaryn şeşuge baǧyttalǧan arnaiy baǧdarlama büginde alǧaşqy nätijesin körsetip otyr.
Baǧdarlama üş baǧyt boiynşa jüzege asuda. Aldymen jūmyssyzdar men tabysy az adamdardy oqytu jäne olardy jūmysqa ornalastyru qaras-tyrylǧan. Käsiptik bilim beru – osynyŋ däleli. Būl boiynşa belgili mamandyǧy joq 150 adam, jaŋa käsipti meŋgeru üşin qaita daiarlau maqsatynda – 163, käsibi biliktiligin jetildiru üşin – 170 qatysuşy qamtylady dep boljanuda. Aqparat halyqqa taralǧan künnen beri, būl baǧdarlamanyŋ igiligin köru nietimen 468 adam habarlasqan. Büginde 416 qatysuşynyŋ ötinişi qabyldandy. Al jyl basynan beri 164 azamat oqularyn bastap ta ketti.
Aita ketken jön, «Jastar täjiribesin» ūiymdastyruǧa respublikalyq biudjetten bölingen qarjy 300 adamdy jūmysqa ornalastyruǧa mümkindik berip otyr. 48 adam joldama boiynşa täjiribeden ötude.
Jaŋadan aşylǧan äleumettik jūmys oryndarynda 85 adam eŋbekpen qam-tylsa, aldaǧy uaqytta 271 azamatty ornalastyru közdelude. Būl mäseleni tübegeili şeşu üşin respublikalyq biudjetten auqymdy qarjy bölindi. Iаǧni, jūmyssyzdyqty auyzdyqtaudyŋ türli joldary men şeşimderi naqtylanǧanyn baiqauǧa bolady. Endigi jerde baǧdarlamany iske asyruda jergilikti atqaruşy organdar, memlekettik käsiporyndar, ükimettik emes ūiymdar men qoǧamdyq birlestikterdiŋ qyzmetin üilestire bilgen jön.
«Osyǧan bailanysty komissiianyŋ birneşe otyrysy josparlandy. Oqu oryndary jūmys beruşimen tyǧyz bailanysta bolsa, jūmysqa ornalasu mäselesi oŋtaily şeşimin tabuy mümkin. Baǧdarlamanyŋ qatysuşylaryn odan äri jūmysqa tūrǧyzu maqsatynda elordalyq jūmys beruşilermen niet hattamalaryn jasasu qajet. Ötken jyly derbes esep kartochkasyn toltyru, statistikalyq esep nysandaryn jasau negizinde äleumettik eŋbek salasynyŋ biryŋǧai aqparattyq «Jūmyspen qamtu» işki baǧdarlamasyn äzirleuşilermen jūmys jürgizilgen. Biyl da osy baǧyt boiynşa jūmys jalǧasatyn bolady», – deidi Astana qalasynyŋ Jūmyspen qamtu jäne äleumettik baǧdarlamalar basqarmasynyŋ bastyǧy Alma Altybaeva.
Ötken jyly käsiptik oqytuǧa jiberilgen jūmyssyz azamattardyŋ basym böligi qaŋtar aiynda oquyn aiaqtaǧan. Oquyn bitirgen 1848 azamattyŋ 366-sy jūmysqa ornalastyryldy. Olar qūrylys, bilim beru, densaulyq saqtau, sauda, ekonomika, qarjy, qyzmet körsetu, kölik jäne bailanys, kommunaldyq şaruaşylyq salalarynda ter tögip jür. Al qalǧan azamattar da biylǧy baǧdarlama şeŋberinde «eki qolǧa – bir kürek» tapsa, būl – eldiŋ äleuetin arttyryp, ekonomikany ärtaraptandyrudaǧy ūtymdy qadamdardyŋ biri bolatyn edi. Äleumetke är beretin bastama tūraqty jäne nätijeli jūmyspen qamtu arqyly halyqtyŋ tūrmys deŋgeii men tabysyn odan äri jaqsartatynyna senim bildireiik.
Gülmira Aimaǧanbet
