Astanada esıktı teuıp syndyrǧan kezektı vandaldar jazalandy, dep habarlaidy astana-akshamy.kz
Elodada vandalizmnıŋ kez kelgen türımen qarqyndy küres jürıp jatyr. Qūqyq qorǧau organdary taǧy ekı qūqyq būzuşyny anyqtap, jazalady.
Mäselen, 14 säuır künı taŋǧy saǧat 3:40-ta 43 jastaǧy er adam mas küiınde Qonaev köşesınde ornalasqan bank bölımşesıne kıretın esıktıŋ äinegın syndyrǧan. Onyŋ jeke basy anyqtalyp, 20 AEK aiyppūl salyndy.
Taǧy bır jaǧdaida, 11 säuırde taŋǧy saǧat 6 şamasynda 35 jastaǧy er adam Bögenbai batyr daŋǧylyndaǧy jyly aialdamanyŋ esıgın syndyrdy. Ol da mas bolǧan, 15 künge qamauǧa alyndy.
Jyl basynan berı sot bötennıŋ mülkın qasaqana syndyrǧany, jalpy paidalanu oryndaryn lastaǧany, ǧimarattar men tūrǧyn üi-jailardy büldırgenı üşın 100-ge juyq adam jazalandy. Olardyŋ bärı jauapqa tartyldy.
Aita keteiık, Astanada erıktıler, belsendıler, tanymal sportşylar, ÜEŪ ökılderı, qala tūrǧyndary qoldaǧan «Toqta, vandal» aksiiasy jürıp jatyr. Aksiia aiasynda qalada kündızgı jäne tüngı reidter ötkızıledı, tūrǧyndar arasynda qoǧamdyq tärtıptı saqtau jäne qala mülkıne ūqypty qarau qajettılıgı turaly tüsındıru jūmystary jürgızıledı.
Aksiianyŋ maqsaty – vandalizmnıŋ kez kelgen jaǧdaiyn boldyrmau jäne elordada tazalyq pen tärtıptı saqtau. Vandalizmnıŋ aldyn alu jūmystary qalalyq prokuratura men polisiia departamentınıŋ üilestıruımen jürgızıledı.
