Qazaqstandyq oquşylar EGMO-2024 qyzdarǧa arnalǧan halyqaralyq matematikalyq olimpiadada tört medal jeŋıp aldy, dep habarlaidy astana-akshamy.kz
Shaltubo qalasynda (Gruziia) EGMO-2024 qyzdarǧa arnalǧan halyqaralyq matematikalyq olimpiada öz märesıne jettı. Jarysqa 54 elden 212 oquşy qatysty. Qazaqstan qūrama komandasynda tört oquşy men ekı jetekşı bar.
Olimpiada qorytyndysy boiynşa Qazaqstan komandasynyŋ qorjyny 4 medalǧa tolyqty:
Kümıs medal – Anastasiia Odinsova – Pavlodar qalasyndaǧy daryndy balalarǧa arnalǧan №8 mektep-liseiınıŋ 11 synyp oquşysy;
Kümıs medal – Amira Kenbaeva – Almaty qalasyndaǧy fizika-matematika baǧytyndaǧy Nazarbaev ziiatkerlık mektebınıŋ 11 synyp oquşysy;
Qola medal – Arai Qasenova – Almaty qalasyndaǧy Haileybury Almaty halyqaralyq mektebınıŋ 11 synyp oquşysy;
Qola medal – Arujan Batyrhan – Almaty qalasyndaǧy Respublikalyq fizika-matematika mektebınıŋ 9 synyp oquşysy.
Aita ketu kerek, EGMO alǧaş ret 2012 jyly Kembridjde ūiymdastyryldy. Qazaqstan olimpiadaǧa 2017 jyldan berı qatysyp keledı. Osy jyldarda Qazaqstan qūramasy 3 altyn, 11 kümıs, 12 qola medal jäne 4 qūrmet gramotasyn ielendı.
