S.Seifullin atyndaǧy Qazaq agrotehnikalyq universitetınıŋ oqytuşylary men studentterı endı elımızdıŋ tükpır-tükpırıne erkın telefon şalyp, ǧalamtordy qalaǧanynşa paidalana alatyn boldy. Künı keşe «Astanatelekom» QTO osy universitette zamanaui kampustyq aqparattyq jelı qūrylysyn aiaqtady.
Qazırgı zamanǧy zamanaui tehnologiia adamdardyŋ da jūmysyn jeŋıldettı. Būryn studentter alystaǧy äke-şeşesınen habar alu üşın söilesu punktterınde kezekke tūruşy edı. Qaltasyndaǧy soŋǧy aqşasyn qaǧyp, telefonǧa töleitın. Al ǧalamtorǧa enıp, qajettı aqparatyŋdy alu degenıŋız tıpten kürdelı ıs bolatyn. Mūndai jelı kıtaphana sekıldı sanauly oryndarda ǧana bar-tyn. Onyŋ özı ūzyn-sonar kezek ärı ǧalamtorǧa kıru baqyty bırer saǧatqa ǧana sozylady.
Al qazır şe? Studentter endı jataqhanadaǧy bölmesınen ūzap şyqpai-aq, üiıne, tuǧan-tuystaryna telefon soǧa alady, kompiuterımen ǧalamtordy erkın şarlai alady.
≪Astanatelekom≫ QTO-nyŋ arqasynda S.Seifullin atyndaǧy Qazaq agrotehnikalyq universitetı 4 studenttık jataqhanasyna, onyŋ är bölmesıne, 2 oqu ǧimaratyna 500 ıD TV jäne ıD Phone bailanys nüktelerın ıske qosyp aldy. Jyldamdyǧy da jaqsy – 50Mbit/s .
Atalǧan bailanys jelısı ämbebaptyǧymen, barlyq aqparat türlerın (dybystyq, beineaqparat, multimedia jäne telemetrikalyq) bır mezgılde taratuymen erekşelenedı.
Kampustyq jelı qūrylysynyŋ jobasy turaly äŋgıme alǧaş ret ötken jyldyŋ 6 jeltoqsanynda ≪Qazaqtelekom≫ AQBasqarma töraǧasy Quanyşbek Esekeev pen S.Seifullin atyndaǧy Qazaq agrotehnikalyq universitetınıŋ rektory Aqylbek Kürışbaevtyŋ özara kezdesuınde qozǧalǧan eken. Osy kezdesude käsıbi-täjıribelık bailanysty arttyru, zamanaui aqparattyq jäne telekommunikasiialyq tehnologiialar salasynda bılıktı mamandar daiyndau, studenttık jataqhanalar men universitet ǧimarattaryndaǧy ǧalamtor resurstarynyŋ sapasyn jaqsartu jönındegı ekı jaqty memorandumǧa qol qoiylǧan.
Qos taraptyŋ kelısımı negızınde ıske qosylǧan joba professor-oqytuşylar qūramyna, studentterge zamanaui telekommunikasiialyq, aqparattyq tehnologiia mümkındıkterın oqu üderısınde keŋınen qoldanuǧa mümkındık berıp otyr.
Kampustyq jelı qūrylysynyŋ aiaqtaluyna bailanysty universitette ötken jiynda ≪Astanatelekom≫ QTO bas direktory Ermek Quanyşbekov özı basqaryp otyrǧan mekeme qazırgı zamanǧy bailanys tehnologiiasy salasyndaǧy tyŋ jaŋalyqtardy qoldanysqa engızuge ärdaiym äzır ekenın, osy baǧyttaǧy jūmystar toqtausyz jalǧasa beretının atap öttı. ≪İnnovasiialyq tehnologiialar bılım sapasyn jaqsartyp qana qoimai, öskeleŋ ūrpaqtyŋ biliktılıgın ūştap, şyǧarmaşylyq qabiletin arttyrary sözsız. Sondyqtan bız engızıp otyrǧan joba otandyq bılım berudıŋ sapasyn köteruge tırek bolatynyna senımdımın≫ dedıErmek Bolatūly.
Universitet rektory, professor Aqylbek Kürışbaev atalǧan jobanyŋ bolaşaq mamandardyŋ sapaly bılım aluyna negız bolyp, aqparattyq bailanystar arqyly bılım, ǧylym, käsıbi bılıktılık baǧytynda täjıribe almasudy jetıldıruge ūiytqy bolatynyn aitty.
Eŋ bastysy, zamanaui jelı studentterdıŋ oquyna ülken kömek bolǧany anyq. Olar özındık jūmystardy, referattardy, qajettı aqparattardy alystan ızdep äure bolmaidy. Tıptı jelılerdegı ışkı bailanystar arqyly universitettıŋ kıtaphanalyq qoryn aqtaryp, därısterdı tyŋdap, zerthanalyq ızdenısterge qol jetkıze alady eken.
Jataqhananyŋ är bölmesınde telefony bar studentter bailanys pen ǧalamtor jelısıne on aiǧa nebary 7 myŋ teŋge, iaǧni aiyna 700 teŋge ǧana töleidı.
Qymbat NŪRǦALİ
