Qūrmettı otandastar!
Pravoslav hristiandaryn, barşa Qazaqstan azamattaryn jarqyn Pasha merekesımen şyn jürekten qūttyqtaimyn!
Pravoslavtar Pashasynyŋ biyl Qazaqstan halqynyŋ bırlıgı meiramymen tūspa-tūs keluı tereŋ mänge ie.
Bızdıŋ elımızde el bırlıgın nyǧaituǧa yqpal etetın etnosaralyq kelısım men konfessiiaaralyq dialogtyŋ bıregei ülgısı qalyptasqan.
Mäŋgılık adamgerşılık qūndylyqtarǧa arqa süiei otyryp, bır-bırımızdı özara qūrmettei jäne qoldai otyryp, bız ortaq üiımızdegı beibıtşılık pen kelısımdı nyǧaita bıldık.
Hristian dının ūstanatyndardyŋ konfessiiaaralyq qatynastardy nyǧaituǧa qosqan ülesı öte zor. Elımızdegı barlyq dıni senım ökılderı sekıldı hristiandar da memlekettıŋ qoǧamdy ūiystyruǧa baǧyttalǧan bastamalaryn ärdaiym qoldaidy.
Dostyq, özara qūrmet pen tüsınıstık qatynastar bızdıŋ maqtanyşymyzǧa, ortaq igılıgımızge ainaldy.
Bügın Pasha meiramy adamdardy jaqsy ıs-äreketterge, meiırımdılıkke jäne ainalasyndaǧylarǧa qamqorlyq jasauǧa şabyttandyrady, adamdarǧa şattyq pen tatulyq syilaidy, jürekterınde ümıt, senım men şynaiylyq sezımderın saqtauǧa kömektesedı.
Osynau mereke künderınde barşa qazaqstandyqtarǧa beibıtşılık, örkendeu men amandyq tıleimın!
Qūttyqtau Prezidenttıŋ «Aqorda» resmi saitynda jariialanǧan
