MEMLEKET BASŞYSYNYŊ ASTANA QALASY AKTİVIMEN KEZDESU BARYSYNDAǦY MÄLIMDEMESI
– Osy jyldar ışınde Qazaqstan halqy bügınde azamattarymyzdy tamsandyratyn jäne dünie jüzınen keletın qonaqtardy taŋdandyratyn ülken jetıstıkterge jettı. Qazaqstandy barlyq özge memleketter qūrmetteitın boldy, būl äsırese menıŋ Briussel men Milanǧa saparlarymda airyqşa sezıldı. Bızdıŋ EO-men Keŋeitılgen serıktestık jäne yntymaqtastyq turaly kelısım jobasy boiynşa, sondai-aq Qazaqstannyŋ DSŪ-ǧa kıruı aiasynda EO-men ekıjaqty kelıssözderdı aiaqtau turaly qūjatqa qol qoiu deregı bükıl Europalyq odaq tarapynan bızdıŋ elımızge degen zor senımdı bıldıredı, – dedı Memleket basşysy.
Nūrsūltan Nazarbaev Qazaqstannyŋ Milanda ötken «Aziia-Europa» Forumynyŋ saliqaly sammitıne şaqyrylǧan Ortalyq Aziia elderınıŋ ışındegı jalǧyz memleket bolǧanyn da atap öttı.
– Men köptegen elderdıŋ köşbasşylarymen kezdestım. Olar Qazaqstandy ekonomikany damytuymen, äleumettık jaǧdaidyŋ ornyqtylyǧymen, halyqtyŋ köŋıl-küiımen, tynyştyq jäne tūraqtylyǧymen ülgı körsetetın memleket retınde qabyldaidy, – dedı Qazaqstan Prezidentı.
Memleket basşysy bügınde köptegen elder älemdık ekonomikadaǧy qiyndyqtarǧa bailanysty ülken syn-qaterlerge kezıgıp otyrǧanyna toqtaldy.
– Tūraqsyzdyqtyŋ uşyǧuyna Ukrainadaǧy ahual men Resei jäne Europa elderı arasyndaǧy özara sanksiialar da yqpal etude. Resei – bızdıŋ strategiialyq serıktesımız, tyǧyz bailanys ornatqan jaqyn körşımız. Eger Resei ekonomikasyndaǧy ahual naşarlaityn bolsa, ol janama türde bızge de äser etedı, – dedı Nūrsūltan Nazarbaev.
Qazaqstan Prezidentı atalǧan ürdısterdıŋ aldyn üşın qajettı mümkındıktıŋ bärı bar ekenın jäne Ükımet tiıstı jūmys jürgızıp jatqanyn aitty.
– Ükımet biylǧy jyldyŋ biudjetın qaita qarau jönınde ūsynys engızdı, öitkenı mūnai men metaldyŋ, sondai-aq Qazaqstan eksportynyŋ özge de önımderıne baǧanyŋ tömendeuı tüsımderdıŋ azaiuyna äkeledı. Būl rette barlyq eŋbekaqylar, äleumettık tölemder qazırgı deŋgeiınde qamtamasyz etıluı tiıs, – dedı Memleket basşysy.
Nūrsūltan Nazarbaev auqymdy infraqūrylymdyq damu baǧdarlamasy jariialanatynyn mälımdedı.
– Bızge elordasynan eldıŋ barlyq öŋırıne qarai sapaly avtomobil joldaryn köptep salu qajet. Qūrylys jūmys oryndary men käsıporyndar tapsyrysyn qamtamasyz etedı, el ekonomikasynyŋ kölemın kemıtpeuge mümkındık beredı. Ükımet osy mäselemen ainalysyp jatyr, ony jüzege asyruǧa Astana da atsalysuy tiıs, – dedı Qazaqstan Prezidentı.
Memleket basşysy äleumettık tūraqtylyq pen barlyq azamattardyŋ teŋdıgı elımızdıŋ myzǧymas ūstanymdary bolyp qala beretınıne toqtalyp öttı.
– Keibır qairatkerler bärınıŋ atyn auystyruǧa, köşeler men mekemelerdıŋ atauyn bır tılde jazuǧa beiım. Mūny toqtatqan jön. Taǧy da qaitalaǧym keledı: patriottyǧyŋdy onyŋ qajet emes kezderınde körsetuge ūmtyludyŋ keregı joq. Konstitusiiada tılder men etnostarǧa qatysty barlyq normalar naqty körsetılgen. Būl – bızdıŋ artyqşylyǧymyz, bızdıŋ köpūltty tūraqty memleket retındegı brendımız, – dedı Nūrsūltan Nazarbaev.
Qazaqstan Prezidentı eşkım eşqandai jaǧdaida kemsıtuşılık sezınbeuı tiıs ekendıgın aitty.
– Eger bır adam jäbır körse, onda bükıl Qazaqstan japa şegedı. Bır filosoftan «baqytty adam kım?» dep sūraǧanda, ol: «Baqytty adamdardyŋ arasynda ömır süretın adam baqytty» dep jauap berıptı. Eger ainalamyzdaǧylardyŋ bärı baqytty bolsa, bız de baqytty bolamyz. Eger bır nemese bır top adamdar baqytsyz bolsa, onda osy baqytsyzdyq basqalarǧa da taraidy. Barşanyŋ esınde boluyn qalaimyn: tūraqtylyǧymyz ben bır-bırımızge degen qūrmettı saqtau – bızdıŋ damuymyzdyŋ negızgı qaǧidaty, – dedı Memleket basşysy.
Nūrsūltan Nazarbaev Qazaqstannyŋ täuelsızdıgı tūraqty ūǧym bolyp sanalatynyna, al ony saqtau ärbır azamattyŋ qasiettı boryşy ekendıgıne nazar audardy.
– Kezınde amerikalyq ündısterdıŋ köpşılıgı türlı basqynşylar arqyly öz jerlerınen quyldy nemese joiyldy. Tegı ündıs bır kinorejisserge «bailyq baqyt bolyp sanala ma?» dep sūraq qoiylady. Būǧan ol: «Özımde jäne özgelerde bar bükıl bailyqty men halqymnyŋ bır kündık täuelsızdıgıne berer edım» dep jauap qatypty. Sondyqtan bızdıŋ barşamyzǧa täuelsızdıgımızdı baǧalaǧan jön, – dedı Qazaqstan Prezidentı.
Nūrsūltan Nazarbaev kelesı jyly elımız qazaq memlekettılıgınıŋ 550 jyldyǧyn merekeleitının aitty.
– Kerei men Jänıbek 1465 jyly alǧaşqy handyqty qūrdy, qazaqtyŋ memlekettılıgınıŋ tarihy sol kezden bastau alady. Bälkım ol bügıngı şekarasyndaǧy, bükıl älemge osynşa tanymal ärı bedeldı, osy ūǧymnyŋ qazırgı maǧynasyndaǧydai memleket bolmaǧan da şyǧar. Bıraq būlai dep sol kezeŋdegı basqa da barlyq memleketter turaly da aituǧa bolady. Eŋ maŋyzdysy, sol kezde oǧan negız qalandy, bız – babalarymyzdyŋ ūly ısterınıŋ jalǧastyruşylarymyz. Bügınde bızdıŋ elımız barlyq taiau memlekettermen köpǧasyrlyq dostyq jäne tatu körşılestık dästürlerın saqtap otyr. Osy qarym-qatynasty ärdaiym saqtaǧanymyz jön, – dedı Qazaqstan Prezidentı.
Sonymen qatar, Memleket basşysy elordalyq bilık ielerı aldynda tūrǧan basymdyǧy bar mındetterdı belgılep berdı.
– Astanany äsem, jaily jäne qolaily ete tüsu üşın jūmysty jalǧastyru kerek. Qazırgı basty mındet – «EKSPO-2017» halyqaralyq körmesın ūiymdastyru, ony ötkızu elordany özgertedı. Mülde jaŋa mädeniet jäne ǧylym ortalyǧy paida bolady. Halyqtyŋ demalysyna, sauda-sattyqqa, ǧylymi zertteuler jürgızuge arnalǧan jaŋa alaŋdar boi köteredı. Auqymdy qūrylys 2016 jyly aiaqtaluǧa tiıs, – dedı Nūrsūltan Nazarbaev.
Qazaqstan Prezidentı Astanada özge de maŋyzdy nysandar qūrylysy jürıp jatqanyna, olardyŋ qatarynda «Abu-Dabi Plaza» köpfunksionaldyq keşenı, bırqatar jaŋa meimanhanalar, sport keşenderı, densaulyq saqtau mekemelerı, botanika baǧy, jaŋa temırjol vokzaly, avtobus kölıgınıŋ jedel jüiesı bar ekenıne nazar audartty.
Soŋynda Nūrsūltan Nazarbaev
Astana eldıŋ özge qalalary üşın ülgı bolyp sanalatyndyqtan oǧan airyqşa jauapkerşılık jükteletının atap öttı.
