Biyl Londonda jazǧy Olimpiada oiyndary ötedi ǧoi. Siz Qazaqstan boksşylary qanşa medal alady dep oilaisyz? Kimderge ümit artasyz?
Jaqsylyq Äbilov, Aqmola oblysy, Ereimentau qalasy
– Öziŋiz bilesiz, London olimpiadasyna Qazaqstan boksşylary 6 lisenziia alyp qoiǧan. Atap aitaiyn, olar – Qanat Abutalipov, Ǧani Jailauov, Serik Säpiev, Danabek Sujanov, Ädilbek Niiazymbetov, İvan Dychko. Endi säuir aiynyŋ basynda Astanada bokstan soŋǧy lisenziialyq turnir ötedi. Onda tört salmaq boiynşa bizdiŋ boksşylar joldama üşin aiqasqa tüsedi. Qazir solardyŋ babyn oilap jürmiz. Al endi kimderge ümit artasyz degeniŋizge jauap bersem. Men eki älem chempionymyz Serik Säpievke jäne 64 keli salmaqta synǧa tüsetin Daniiar Eleusinov degen bauyrlarym altyn ala ma dep ümittenemin. Jalpy meniŋ oiymşa, Qazaqstan boksşylary 4 medal aluǧa tiis. Onyŋ bireui nemese ekeui altyn bolady dep boljap otyrmyn.
Siz qazir qaida tūrasyz, neşe balaŋyz bar, neşe üiiŋiz, neşe maşinaŋyz bar?
Dinara Abdrahmanova, oqyrman, Astana qalasy.
– Almaty tūramyn. Astanada Esildiŋ jaǧasynda üiim bar. Tuǧan jerim –Jambyl oblysy. Aqtöbeni ekinşi otanym sanaimyn. Qūdaidyŋ maǧan bergen bes ūlym jäne bir qyzym bar. Biraz maşina minip tastadym. Qazir minip jürgenim – «Djip-Subaru».
Sidnei Olimpiadasynan alǧan altyn medaliŋizdi qaida saqtaisyz?
Mädina Sälimqyzy, Almaty qalasy.
– Altyn medal auyldaǧy jeke otbasylyq muzeide saqtalyp tūr. Onda basqa da medaldarym bar.
Öziŋiz qatarly boksşylarmen aralasyp tūrasyz ba? Jan dosyŋyz kim?
Sembek Qabiev, oqyrman, Astana qalasy.
– Būl jaǧyna kelgende baimyn desem de bolady. Jalpy, sportşylardyŋ dostary köp bolady ǧoi. Men üş olimpiadalyq siklda Qazaqstan qūramasynyŋ sapynda öner körsettim. Şarşy alaŋynda birge jürip, el namysyn birge qorǧaǧan jigitterdiŋ arasynda Nūrjan Smanov, Mūhtarhan Dildäbekov, Bolat Jūmadilov, Baqtiiar Tilegenov, Arkadii Topaev, Bolat Niiazymbetov, Bolat Temirov, Daniiar Mūŋaitpasov, Nūrjan Kärimjanov jäne basqalarmen jaqsy aralasamyn. Osy jigitterdiŋ bärine jan dosymdai qaraimyn. Al otbasy deŋgeiinde jaqyn aralasatyn orny bölek dostarym da bar. Bärin birdei atai bergenim dūrys bolmas. Biri ūmytylyp qalyp, yŋǧaisyz jaǧdaiǧa tüsip qalarmyn.
Ermahan qaraǧym, biz öziŋdi halyqtyŋ batyry retinde qūrmetteimiz. Bokstasyp jürgende jii körinuşi ediŋ. Qazir qaidasyŋ, nemen ainalysyp jürsiŋ?
Bolatbek Baljanov, ūstaz-zeinetker, Astana qalasy
–Qūrmetiŋizge köp rahmet. Men qazir Almaty qalasyndaǧy Respublikalyq olimpiadalyq daiarlyq ortalyǧynyŋ direktory qyzmetin atqaramyn. Būl – boksqa mamandandyrylǧan ortalyq.
Ermahan aǧa bir sūhbatyŋyzda, qai gazetten oqyǧanym esimde joq, «Bir armanym – qazaq balasynan eki dürkin Olimpiada chempionyn tärbielegim keledi» degen ediŋiz, osy aitqanyŋyzdy jüzege asyratyn oiyŋyz bar ma?
Jolaman, oqyrman
– Ärine, qazaqtan eki dürkin olimpiada chempionyn köru meniŋ ǧana emes, bar qazaqtyŋ armany desem de bolady. Mūndai jetistikti boksşylar körsete alady dep oilaimyn. Baqtiiar Artaev bauyrym da osyndai mümkindik bolǧan siiaqty edi. Biraq, ol boksty erte qoiyp ketti. Serik Säpiev inimiz älem chempionatynyŋ 4 dürkin jüldegeri bolǧanymen, olimpiada oiyndarynda joly bolmai qoidy. Alaida, biyl Londonda onyŋ jūldyzy janady degen senimmen qarap otyrmyn. Al öz basyma kelsem, bapker retinde eki dürkin olimpiada chempionyn tärbieleudi basty maqsatym sanaimyn. Qūdaiǧa şükir, qazir jaqsy talantty jastarymyz bar. Solarǧa mūqiiat qarap jürmin.
Qazaq boksşylary soŋǧy eki älem chempionatynda üş-aq medal aldy. Altyn medal bolmady. Nelikten būlai boldy dep oilaisyz?
Oljas Qosymjanov, №54 mektep-liseidiŋ 11-synyp oquşysy
– Negizi, osy taqyrypta äŋgime köp aitylady. Şynymen de eki chempionatta üş-aq medal alu – Qazaqstan üşin tym az. Biz boks derjavasy boldyq qoi. Osy pozisiiany qalai da ūstap tūruymyz kerek. Ol üşin täjiribeli, mäselen, Säpiev siiaqty jigitterdi Eleusinov siiaqty tastülektermen birge daiyndap, komandalyq ruhty kötere beru kerek. Boks ta komandalyq sport dep oilaimyn. Al jüldeniŋ az boluyna aita bersem, sebepter köp. Sondyqtan, ūlttyq qūrama boksşylaryna tek sättilik tileimin.
– Qazaq boksynyŋ keremet jūldyzy bolǧan Bekzat Sattarhanov turaly aityp beriŋizşi?
Ospan Süleimenov, Qazaqstannyŋ eŋbek siŋirgen bilim qyzmetkeri
– O, būl ülken äŋgime ǧoi. Bekzat Sattarhanov – tek qana Qazaqstan boksynyŋ emes, älemdik bokstyŋ etalonyn körsetken boksşy. Keremet tehnikasy, keremet eŋbekqorlyǧy, keremet namysty jigit edi ǧoi. Ätteŋ, jūldyzdai jarq etti de, ortamyzdan kete bardy. Būl men üşin ülken qai-ǧy boldy. Bekzat esime tüsken saiyn köŋilim qūlazyp sala beredi. Äke-şeşesimen, tuysqandarymen şamam jetkenşe aralasyp, habarlasyp jüremin.
– Sporttan basqa öneriŋiz bar ma? Bos uaqytyŋyzda nemen ainalysqandy ūnatasyz?
Zäureş Sūltanova, oqyrman
– Uaqytym bolsa, tabiǧat aiasyna şyǧyp, demalǧandy ūnatamyn. Anda-sanda bala-şaǧamdy alyp, tau aiasynda seruendeimin. Sodan keiingi bir, soŋǧy kezdegi äuestigim – tehnika bolyp jür. Maşinanyŋ qyr-syryna äbden män beretin boldym. Aitpaqşy, taǧy bir äuestigim – maşinalardan kolleksiia jinaimyn. Biraq siz oilap qalmaŋyz, kädimgi bir ülken maşinalardy jinaidy eken dep. Közime tüsken jaŋa oiynşyq maşinalardy balalaryma ala beremin.
– Biyl «Nūr Otan» partiiasy atynan sailauǧa tüsken ediŋiz, nelikten deputat bolmai qaldyŋyz?
Temirbolat Şegetaev,oqyrman, Qaraǧandy qalasy
– Nesin jasyraiyn, deputat bolǧym-aq keldi. Biraq, partiianyŋ jetekşileri meniŋ äli jas ekenimdi eskergeni bolsa kerek, tizimge qosylmai qaldym.
Jazyp alǧan Ǧalym QOJABEKOV