Osy jyldyŋ soŋyna deiın 8 qala 4 G jelısıne qosylady dep josparlanyp otyr. Būl turaly keşegı QR Prezidentı janyndaǧy OKQ baspasöz mäslihatyna kelgen «Qazaqtelekom» AQ basqarma töraǧasy Quanyşbek Esekeev mälımdedı.
Kompaniia basşysynyŋ mälımetı boiynşa Almaty men Astana qalalarynda dauystyq qyzmetterdı küzge qarai ıske qosu josparlanyp otyr. Osy jyldyŋ aiaǧynda Aqtau, Aqtöbe, Atyrau, Qaraǧandy, Temırtau, Jezqazǧan, Öskemen, Şymkent qalalaryn, sondai-aq, Almaty men Astananyŋ maŋyndaǧy eldı-mekender men serıktes qalalardy 4G jelısıne qosu közdep otyr.
– Ötken jyly Elbasy LTE jelısın ıske qosqan bolatyn. Astana men Almaty qalalary bügınde atalmyş jelıge qosylǧan. 2013 jylǧy 31 mamyrdaǧy mälımetke säikes, Almaty men Astana qalalarynda tırkelgen «Altel 4G» abonentterınıŋ jalpy sany 33 myŋ adamnan asty. Kelesı jyly barlyq qajettı eldı-mekenderdı 100 paiyz ǧalamtor men bailanys qyzmetterımen qamtu mümkın bolady dep oilaimyn. Auyldardy bailanys pen ǧalamtor jelısımen qamtamasyz etu urbanizasiia üderısımen bailanysty ekenın atap ötken jön, – dedı Q. Esekeev.
Sondai-aq, onyŋ aituynşa, bügınge deiın üi men mekemelerde tırkelgen telefon jelılerı 4 mln. 70 myŋǧa jetken. Jyl saiyn keŋ jolaqty ǧalamtorǧa qosylu sany 30 paiyzǧa ösıp, körsetkış 1 mln 300 myŋdy qūrady. Tek osy jyldyŋ 5 aiynda iDNet qyzmetın paidalanuşylar sany ekı esege ösıp, oǧan qosylǧan otbasylar sany 182 myŋǧa jetıptı.
Ainūr ŞOŞAEVA
