Londonda şıldenıŋ 27-sınde alauy tūtanǧan XXX jazǧy Olimpiada da öz märesıne jettı. Būl bairaqty bäsekede qazaq elı būryn-soŋdy jetpegen jetıstıkke qol jetkızdı. Qazaq elınıŋ qorjynynda – 7 altyn, 1 kümıs, 5 qola medal! On üş medal enşılegen Qazaqstan jalpy esepte 12-orynnan körındı. Būl qazaq sportynyŋ damyp kele jatqanyn körsetedı. London Olimpiadasy Qazaqstan üşın öte sättı öttı. Olimpiadanyŋ soŋǧy künderınde tüsetın medaldar būl joly alaman bastalǧannan-aq bırınen keiın bırı kele bastady.
Törtjyldyqtyŋ basty bäsekesı bastalysymen velosportşymyz Aleksandr Vinokurov 250 şaqyrymdy 5 saǧat 45 minut 57 sekund uaqytta jürıp ötıp, alǧaşqy altyndy oljalady. Aleksandr 2000 jyly Sidneide ötken Olimpiadada kümıs medal alǧan bolatyn. Endı mıne 12 jyldan soŋ Olimpiada altynyn enşıledı. Vinokurovtyŋ jeŋıstı jolyn auyr atletşılerımız tamaşa jalǧastyra bıldı. Zıltemır köteruden 53 kelı salmaqta synǧa tüsken Zulfiia Chinşanlo älem jäne Olimpiada rekordyn jaŋartyp, Olimpiada chempiony atandy. London Olimpiadasynyŋ üşınşı altynyn 63 kelıde küş synasqan Maiia Maneza jeŋıp aldy. Ol jūlqa jäne serpe köterudıŋ qorytyndysy boiynşa 245 kelını köterıp, Olimpiada rekordyna tüzetu engızdı. Al 75 kelı salmaqta Svetlana Podobedova jalpy esepte 291 kelını baǧyndyryp, HHH jazǧy Olimpiada oiyndarynyŋ jeŋımpazy atandy.
Sondai-aq, 69 kelıde baq synaǧan Anna Nūrmūhamedova qos jattyǧudyŋ qorytyndysynda 251 kelını köterıp, besınşı orynǧa taban tıredı.
Auyr atletikadan erler arasyndaǧy 94 kelı salmaqtaǧy saiysqa qos sportşymyz qatysty. Būl synda İlia İlin keremet öner körsettı. Jūlqa köterude 185, serpe köterude 233 kelını baǧyndyrǧan İlia Olimpiada chempiony bolyp qana qoimai, köpten berı köbesı sögılmei kelgen älem rekordyn da jaŋartty. Ol sonymen qatar qazaq elınıŋ tarihynda Olimpiadada ekı ret chempion bolǧan alǧaşqy saŋlaq. Osy salmaqtaǧy ekınşı sportşymyz Almas Öteşov 7-orynǧa tūraqtady.
Altynşy altyndy el qūramasyna jeŋıl atletşı Olga Rypakova syilady. Olga üş qarǧyp sekırude 14.98 m-ge sekırıp, qarsylastarynan qara üzıp kettı.
Olimpiadanyŋ soŋǧy künı qazaq halqy üşın sättı boldy. Būl künı jetınşı altyndy qazaq elınıŋ qorjynyna bokstan 69 kelı salmaqta el namysyn qorǧaǧan boksşymyz Serık Säpiev saldy. Finalda aǧylşyn boksşysy Fre d d i Evansty 17:9 esebımen jeŋgen Serık eŋ üzdık boksşyǧa berı letın Vel Barker kubogyn da ielendı. Ol – osy kubokty alǧan üşınşı boksşymyz. Būǧan deiın 1996 jyly Vasilii Jirov, 2004 jyly Baqtiiar Artaev Vel Barker kubogın jeŋıp alǧan bolatyn. Al 81 kelıde Ädılbek Niiazymbetov aqtyq saiysta Reseidıŋ soŋǧy ümıtı Egor Mehonsevten ūtylyp, kümıs medaldı keudesıne taqty. 91 kelıden joǧary salmaqta jūdyryqtasqan İvan Dychko qola medalge ie boldy.
Sondai-aq, grek-rim küresınde 84 kg beldesken baluandarymyz Daniial Gadjiev, erkın küresten 66 kelı salmaqta boz kılemge şyqqan Aqjürek Taŋatarov, äielder küresınde 72 kelı salmaqta baq synaǧan Guzel Maniurova men bokstan äielder arasynda 75 kelıde jarysqa tüsken Marina Volnova qola medaldı qanaǧat tūtty.
Al el senım artqan sportşylarymyz Nūrmahan Tınäliev, Almat Kebıspaev, Maksim Rakov syndy sportşylarymyz jüldegerler qataryna jete almai, jarystan şyǧyp qaldy.
2016 jyly Braziliianyŋ Rio- de-Janeiro qalasynda ötetın Olimpiadada qazaq halqynyŋ saiypqyrandary namysty qoldan bermeidı dep senemız.
Oljas SÜLEIMENOV
