«Astana» triatlon-parkınde 5 km qaşyqtyqta «Olimpiada oiyndaryna deiın 100 kün» jappai jügıru öttı, dep habarlaidy astana-akshamy.kz
Is-şarany ūiymdastyruşy – elordanyŋ Dene şynyqtyru jäne sport basqarmasynyŋ sporttyq-būqaralyq ıs-şaralardy ötkızu direksiiasy.
Jappai jarysqa qala tūrǧyndary men qonaqtary jas şekteulerınsız qatysty.
Jarysqa qatysuşylardyŋ bırı, käsıpker Bolat Qabıkenov sporttyq ıs-şaradan alǧan äserımen bölıstı.
«Men sportqa öte jaqynmyn, sondyqtan elordada osyndai jarystar ūiymdastyrylǧanyna öte quanyştymyn. Sportpen şūǧyldanuǧa mümkındık bergenı üşın äkımdıkke alǧysymdy bıldırgım keledı. Jarysty ūiymdastyru tek joǧary deŋgeide, barlyǧy uaqytynda bastaldy, qatysuşylarda köterıŋkı köŋıl-küide, öitkenı jeŋımpazdardy estelık syilyqtar kütedı. Men ärqaşan sporttyq jarystarǧa quana qatysamyn, öitkenı jaqsy dene şynyqtyru men densaulyqty saqtau bızdıŋ qolymyzda», – dedı qalalyq jarysqa qatysuşy.
Ūiymdastyruşylardyŋ aituynşa, bügıngı jarys aldaǧy Parij Olimpiadasyna orailastyrylǧan.
«Is-şaraǧa qala tūrǧyndary men elorda qonaqtary qatysyp, bes şaqyrym qaşyqtyqty eŋsere aldy. Tırkelu kezınde qatysuşylar lotereia biletterın aldy, olar velosiped, qorǧanys şliapasy jäne su men susyn bötelkelerı siiaqty baǧaly syilyqtarǧa ie boldy. Sahnanyŋ janynda armresling, arqan tartu jäne gır sporty boiynşa jarystar öttı. Sondai-aq demeuşılerımızden jülde retınde arnaiy sporttyq kiımder toptamasy ūsynyldy»,-dedı elordalyq Dene şynyqtyru jäne sport basqarmasynyŋ sporttyq-būqaralyq ıs-şaralardy josparlau jönındegı menedjerı Tomiris Smaiylova.
Mūndai būqaralyq ıs-şaralar jyl saiyn elordada salauatty ömır saltyn nasihattau jäne qala tūrǧyndarynyŋ sporttyq äleuetın aşu maqsatynda ötkızıledı.
