Elbasy Nūrsūltan Nazarbaev elımızge memlekettık saparmen kelgen Türkiia Respublikasynyŋ Prezidentı Redjep Taiyp Erdoǧanmen kezdestı. Kezdesu barysynda qazaq-türık qarym-qatynasyn odan ärı nyǧaitu, bailanystardyŋ keŋ auqymy boiynşa özara yqpaldastyqty arttyru mäselelerı talqylandy. Sondai-aq, ekı el arasyndaǧy joǧary deŋgeilı strategiialyq yntymaqtastyq keŋesınıŋ qorytyndysy boiynşa Bırlesken mälımdemege jäne «Jaŋa sinergiia» bırlesken ekonomikalyq baǧdarlamasynyŋ ıs-şaralar josparyn özektendıru turaly hattamaǧa qol qoiyldy.
Ekı el Prezidentterı kelıssözder qorytyndysy boiynşa bırlesken brifing ötkızıp, qazaq-türık biznes forumyna qatysty.
– Täuelsızdıgımızdı eŋ bırınşı bolyp tanyǧan tuystas Türkiiaǧa degen Qazaqstan halqynyŋ qūrmetı erekşe. Biyl bız Qazaq handyǧynyŋ 550 jyldyǧyn atap ötemız. Sondyqtan, tübı bır Türık elı basşysynyŋ būl saparynyŋ simvoldyq mänı bar. Türkiia – Qazaqstannyŋ eŋ jaqyn senımdı saiasi jäne ekonomikalyq ärıptesterınıŋ bırı, – degen Memleket basşysy Qazaqstan bauyrlas Türık elınıŋ bastamalaryn tolyq qoldaitynyn jetkızdı. – Qazaqstanda köptegen türık kompaniiasy tabysty eŋbek etıp jatyr. Qazırgı taŋda elımızde jūmys ısteitın 1600-den astam käsıporynda türık kapitalynyŋ ülesı bar. Türık biznesı jaŋa elordanyŋ qūrylysyna belsene atsalysqanyn airyqşa ataǧan jön. Olardyŋ Qazaqstanda atqarǧan merdıgerlık jūmysynyŋ jalpy qūny 20 milliard dollarǧa juyqtaidy. Bügınde 1,5 milliard dollardy qūraityn investisiialyq 14 joba boiynşa jūmys jasaluda, – dedı Nūrsūltan Nazarbaev.
Ekı el arasyndaǧy özara tauar ainalymy ötken jyly 3,3 milliard dollar bolǧanyn atap ötken Qazaqstan Prezidentı būl aldyŋǧy körsetkışterden bırşama azyraq ekenın, būǧan älemde baiqalyp otyrǧan daǧdarys yqpal etkenın söz ettı. Alaida, 2012 jyly qabyldanǧan «Jaŋa sinergiia» baǧdarlamasy arqyly ekıjaqty tauar ainalymyn 10 milliard dollarǧa jetkızu, al investisiia kölemın jyl saiyn 500 million dollarǧa deiın ūlǧaitu josparlanuda ekenın aitty.
Türkiia Astanada ötetın EKSPO körmesıne qatysudy josparlap otyrǧanyn aitqan bauyrlas eldıŋ basşysy Qazaqstannyŋ Düniejüzılık sauda ūiymyna kıruın qoldaitynyn jetkızdı.
Amanǧali QALJANOV
