Keşe QR Prezidentı janyndaǧy Jaŋǧyrtu jönındegı ūlttyq komissiia müşelerınıŋ qatysuymen baspasöz mäslihaty öttı. Memleket basşysy Nūrsūltan Nazarbaev aiqyndaǧan Ūlt josparynan tuyndaǧan «100 naqty qadam» boiynşa jüzege asyryla bastaǧan ıs-şaralar jaiynda egjei-tegjeilı aityldy.
Ömır süru sapasyn örletedı
Eldık mūratymyzdy, memleketımızdıŋ keleşekke közdelgen damu jolyn aiqyndaǧan Ūlt josparynyŋ jüzege asyryla bastaǧan qadamdary turaly äŋgımenı bastaǧan QR Premer-ministrınıŋ orynbasary Dariǧa Nazarbaeva qazaqstandyqtar Ūlt josparyn jüzege asyrudan tuyndaityn mümkınşılıkterdı bıluı tiıs ekenın aitty. Osy oraida «Ūlt josparynyŋ tabysty jüzege asyryluy Qazaqstanǧa damudyŋ jaŋa deŋgeiıne köterıluge, ekonomikalyq ösım üşın qolaily jaǧdai jasauǧa jäne barşa qazaqstandyqtardyŋ ömır süru sapasyn jaqsartuǧa mümkındık beredı. Ūlt jospary keleşekte el tūrǧyndarynyŋ ömır süru deŋgeiın bügıngı taŋda örkeniettı elderde oryn alyp otyrǧan joǧary ömır süru deŋgeiı men standarttaryna säikestendıruge baǧyttalǧan» dep atap öttı Ükımet basşysynyŋ orynbasary.
Dariǧa Nazarbaeva biylǧy jyldyŋ basynan berı Qazaqstan jaŋa qūqyqtyq jäne instituttyq orta jaǧdaiynda ömır sürıp jatqanyn, osy oraida 59 zaŋ men 400-den asa zaŋnamalyq aktıler qabyldanǧanyn, atap aitqanda memlekettık qyzmetke ırıkteudıŋ üş satyly jüiesıne köşu jüzege asyrylǧanyn, komandalyq auys-tüiıstıŋ doǧarylǧanyn, sonymen qatar nätijege säikes jalaqymen qamtamasyz etetın äkımşılık memlekettık qyzmetşılerdı baǧalau ädısı engızılgenın jetkızdı.
İnvestorǧa ikemdı qyzmet
QR Ūlttyq ekonomika ministrı Erbolat Dosaev Ūlt jospary aiasynda jüzege asyrylyp jatqan industrialdyq reformalardyŋ nätijelerı turaly baiandap berdı. «Ekonomikalyq yntymaqtastyq jäne damu ūiymy standarttaryna säikes keletın investisiialyq ahualdy qalyptastyru üşın 2016 jyldyŋ 1 qaŋtarynan bastap investorlarǧa 350-den asa memlekettık qyzmet körsetuge arnalǧan «bır tereze» qyzmetı ıske qosyldy. İnvestorlardy tartu mäselelerı jönındegı ükımettık keŋes qūryldy. Osyǧan ūqsas keŋester äkımderdıŋ basşylyǧymen barlyq öŋırlerde qūrylyp, halyqqa qyzmet körsetu ortalyqtarynda investorlarǧa qyzmet körsetu sektorlary ıske qosyldy» dedı ministr söz basynda.
Eldıŋ ekonomikalyq salasyna jauapty ministr, sonymen qatar farmasevtika, agroönerkäsıp, tau-ken öndırısı, metallurgiia, himiia jäne qūrylys materialdary öndırısı boiynşa 2,2 mlrd.AQŞ dollaryna 16 joba tartu men ıske asyru boiynşa jūmystar jürgızılgenın atap körsettı.
Qazaqstan qūrylys salasynda eurokod jüiesıne köşudı bastaidy. Ministrdıŋ aituynşa, qūrylys salasynda bastapqy rūqsat beru qūjattaryn beru merzımderı 40 künnen 17 jūmys künıne deiın, eskizdı jobany kelısu 60 künnen 15 jūmys künıne deiın qysqartylǧan. Al qūrylystyŋ bastaluy turaly habarlamany bır kün ışınde elektrondy türde beru qamtamasyz etılgen. Sondai-aq, saraptamalyq jūmystardyŋ retı edäuır jeŋıldetılgen.
Elımızde syrtqy saudany jürgızu räsımderı de jeŋıldetıldı. Atap aitqanda, eksporttyq-importtyq operasiialardy jasau kezınde qūjattar sany qysqartylyp otyr. Qarjy ministrlıgı Ūlttyq käsıpkerler palatasymen bırlesıp, postkedendık resımdeu boiynşa «300 ırı salyq töleuşıge arnalǧan jasyl dälız» ılkımdı jobasyn ıske asyrǧan.
«Astana» halyqaralyq qarjy ortalyǧy halyqaralyq 3 qarjy ortalyǧymen yntymaqtastyqty bastaǧan. Atap aitqanda, Dubai qarjy ortalyǧy, London-Siti britandyq korporasiiasymen jäne Katar qarjy ortalyǧymen ıskerlık qarym-qatynas ornatylǧan.
Sot jüiesı jaŋarady
Baspasöz mäslihatynda zaŋnyŋ üstemdıgın qamtamasyz etu baǧyty boiynşa reformalady ıske asyru turaly QR Prezidentı Äkımşılıgı jetekşısınıŋ orynbasary Marat Beketaev baiandap berdı. Elımızde ötken jylmen salystyrǧanda azamattyq ıs jürgızude prokurordyŋ qatysuy 35 paiyzǧa qysqarǧan. Sonymen qatar, jeke sot oryndauşylardyŋ uäkılettılıkterı de aitarlyqtai keŋeigen. Osy rette M.Beketaev «Jyl basynan berı ötken ekı jarym ai uaqytta jekemenşık sot oryndauşylarǧa 250 myŋ ıs tüsken. Būl ötken jyldyŋ säikes merzımımen salystyrǧanda ekı ese artyq körsetkış. Al, öz kezegınde, memlekettık sot oryndauşylarǧa osy jyldyŋ ekı aiynda ötken jyldyŋ säikes merzımımen salystyrǧanda tört ese kem, iaǧni, 47 myŋ ıs tüsken. Üş jyl ışınde memlekettık sot oryndauşylardyŋ sany 70 paiyzǧa qysqartylady» dep atap öttı. Bügıngı taŋda elımızde sot ısın aşyq ötkızu maqsatynda sot zaldaryndaǧy prosesterdı beine jäne taspaǧa jazuǧa mümkındık beretın jaŋa jüiemen jabdyqtau jūmysy jalǧasuda. Qazır osyndai jüiemen sot zaldarynyŋ 75 paiyzy jabdyqtalǧan. Būl baǧyttaǧy jūmys jyl soŋyna deiın tolyq aiaqtalatyn bolyp otyr.
Bırlık pen kelısım
Ūlt josparynyŋ törtınşı baǧyty boiynşa Qazaqstan halqy Assambleiasy töraǧasynyŋ orynbasary Eraly Toǧjanov äŋgımelep berdı. Bızdıŋ elımızde, Memleket basşysy Nūrsūltan Nazarbaevtyŋ ūstanymynda halyqtyŋ bırlıgı men kelısımı ärqaşan basymdy qaǧidat bolyp keledı. Osy oraida Ūlt jospary aiasynda el ışındegı bırlık pen bırtektılıktı qalyptastyru maqsattary qoiylǧan. Bügıngı taŋda osy maqsattardy jüzege asyru baǧytynda 33 normativtı akt qabyldanǧan. Parlament deŋgeiınde bes zaŋ qabyldandy. Memleket basşysynyŋ bes Jarlyǧy men Ükımettıŋ on ekı qaulysy qabyldanyp, alǧa qoiylǧan maqsattardyŋ jüzege asyryluyna negız boluda. Būl tūrǧyda jaŋa qoǧamdyq sanany qalyptastyru jäne qazaqstandyq mädeniettı nyǧaitu şaralaryn jürgızude Qazaqstan halqy Assambleiasy jetekşı röl atqaryp otyr.
Elbasy Nūrsūltan Nazarbaev el keleşegın aiqyndauşy retınde ūsynǧan jäne bügıngı taŋda jüzege asyrylyp otyrǧan Ūlt jospary barşa qazaqstandyqtardyŋ ömır sapasyn joǧary deŋgeige köterudı mūrat tūtqan daŋǧyl joldyŋ bastamasy. İgılıkke bastaǧan ūly jol qazaq elın örkeniettıŋ örıne şyǧarady dep senımmen qaraimyz. Elımızde jürgızılıp jatqan serpındı ısterge qarap osylai aitamyz.
Ǧalym QOJABEKOV
