Ūly Otan soǧysy maidangerlerıne qūrmet körsetu, erlıkke taǧzym etu halqymyzdyŋ berık dästürıne ainalǧan. Bügıngı taŋda elımızdıŋ barlyq eldı mekenderınde, oqu oryndary men mekemelerınde ardagerlerge arnalǧan şaralar ūiymdastyrylyp jatyr.
Sondai igı şaranyŋ bırın Astana qalasy Esıl audandyq Ardagerler keŋesı ūiymdastyrdy. Qaladaǧy №65 mektep-gimnaziiada «Maidanger ūrpaqtar kezdesuı» atty taǧylymdy şaraǧa Ūly Otan soǧysynyŋ ardagerlerı Qadan Bekenov, Leonid Kartauzov, tyl eŋbekkerlerı Barlybai Äbeldinov, Roza Bisenova, sonymen qatar, Auǧanstan soǧysyna qatysqan jauynger-internasionalister Amangeldı Hasenov, Bolat Ermūhanov jäne Ǧalym Nūrtaev qūrmettı qonaq retınde şaqyryldy. Mektep mūǧalımderı men oquşylary qatysqan basqosuda Otan üşın aiqasqa tüsken maidangerler soǧys barysyndaǧy otandastar erlıgın aitsa, Jeŋıs üşın qajyrly eŋbektıŋ beinetın äŋgımeledı. Jauynger-nternasionalister de Auǧanstan soǧysynyŋ tauqymetı jaily oilaryn ortaǧa saldy.
Jas ūrpaqtyŋ boiyna otandyq patriotizmnıŋ ūşqynyn tūtatqan jüzdesuden taǧylymdy äser alǧan oquşylar aǧa buynǧa rizaşylyqtaryn än-küimen bıldırdı. Kezdesu soŋynda qonaqtarǧa Esıl audandyq ardagerler keŋesınıŋ töraiymy Rysty Atyǧaeva audan äkımdıgı atynan syi-siiapat ūsyndy. Sonymen qatar, qos maidannyŋ ardagerlerı Nauryz meiramyna orai jaiylǧan merekelık dastarqannan däm tatty.
Ǧalym QOJABEKOV
