Bügıngı taŋda Astana qalasy boiynşa esırtkıge täueldılıgı bar 984 adam esepte tūr, dep habarlaidy astana-akshamy.kz
2023 jylmen salystyrǧanda būl körsetkış 9,8%-ǧa tömendeu ekenı baiqalady.
Alaida, naşaqorlyq ärqaşan halyqtyŋ densaulyǧy men ömırıne qauıp töndıredı. Onymen küresudıŋ eŋ tiımdı joly – halyq arasynda salauatty ömır saltyn nasihattau jäne aldyn alu.
Elordada naşaqorlyq pen esırtkı biznesıne qarsy ıs-qimyl mäselelerı jönındegı Vedomstvoaralyq ştabtyŋ jūmys otyrysy öttı. Kün tärtıbınde ekı negızgı mäsele tūrdy:
Bırınşı mäsele boiynşa, memlekettık organdardyŋ ökılderı 2024 jyldyŋ I toqsanynyŋ qorytyndysy boiynşa «Astana – esırtkısız qala» keşendı josparyn oryndau jönındegı şaralar turaly baiandady. Ärıptester problemalyq mäseleler men olardy şeşu joldaryn da qarastyrdy.
Ekınşı mäsele boiynşa, keŋes barysynda qatysuşylar Düniejüzılık naşaqorlyqqa qarsy küres künıne orailastyrylǧan jäne 26 mamyr – 26 mausym aralyǧynda ötetın aldaǧy ailyqtyŋ josparlaryn talqylady.
Ailyqtyŋ basty mındetı – qoǧamdy bırıktıru jäne esırtkıge qarsy ıs-şaralardyŋ tūtas keşenın ıske asyru. Olardyŋ barlyǧy salauatty ömır saltyn nasihattauǧa, halyqtyŋ narkologiialyq sauattylyǧyn arttyruǧa jäne balalardyŋ, jasöspırımder men jastardyŋ densaulyǧyn saqtau üşın aldyn alu jūmystaryna qatysudyŋ maŋyzdylyǧyn tüsınuge baǧyttalatyn bolady.
