«… ol ainalasyna ünemı jylu syilap jüretın jan. Maman retınde köptegen äiel zatynyŋ Ana baqytyn sezınuıne yqpal ettı. Menıŋşe, osyndai jandardyŋ arqasynda ömır jaqsara tüspek. Elımız olar jaily bılıp qana qoimai, olardan ülgı alu kerek dep oilaimyn…».
«Astana taŋdauy – 2012» baiqauynyŋ alǧaşqy künı äkımdıktıŋ arnaiy saityna avtory belgısız osy hat kelıp tüstı.
Hattyŋ keiıpkerı – Astana qalasy Perinataldyq ortalyǧynyŋ akuşer-ginekolog därıgerı Vladimir Kalaşnikov edı.
Üzdıkter qatarynan ümıtker būl keiıpker baiqau şarty boiynşa berılgen halyq dauysy boiynşa sol künı-aq özgelerden oq boiy ozyp şyqty.
Bır qyzyǧy, atalǧan baiqauǧa ūsynylǧanyn, 4926 dauyspen ärıptesterınıŋ arasynan jeŋımpaz dep tanylǧanyn Vladimirdıŋ özı dauys beru aiaqtalǧan soŋ bır-aq bıldı.
Azamatty ardaqtaityn elı bolsa, eŋbegınıŋ janǧany.
Meŋgergenı densaulyq küzetınıŋ alǧy şebınde jüretın mamandyq bolsa da, bır kezderı «er adamǧa qol emes» degen pıkırlerdı estıgenı de jasyryn emes.
Alaida, ol özınıŋ eŋbek täjıribesınde būl salaǧa adasyp kelmegenın däleldedı.
Myŋdaǧan, bälkım odan da köp äieldıŋ ana atanuyna sebepker boldy. Sonşama säbidıŋ kındıgın öz qolymen kestı.
Özı kındıgın kesken säbilerdıŋ ata-anasynyŋ yqylas-nietınen asqan eşteŋe joq ekenın būǧan deiın de jiı aityp jüretın. «Alǧystan artyq eşteŋe joq ekenıne taǧy da közım jettı», – deidı.
Sebebı, baiqauda özıne qoldau tanytqan 4 myŋnan astam dauysty Vladimir halyqtyŋ özıne bergen baǧasy, aitqan alǧysy dep qabyldady.
Baiqauǧa bes sala boiynşa 62 ümıtker qatystyrylǧan bolatyn. Olarǧa onlain rejimde 95 myŋnan astam astanalyq dauys berdı. Arasynan bes ümıtker jüzden jüirık şyǧyp, jeŋımpaz atandy.
Taiauda ǧana jariialanǧan Elbasy Nūrsūltan Nazarbaevtyŋ «Qazaqstannyŋ äleumettık jaŋǧyrtyluy: Jalpyǧa Ortaq Eŋbek Qoǧamyna qarai 20 qadam» baǧdarlamalyq maqalasynda Eŋbek qoǧamyn qūru üşın aldymen eŋbekşıge degen qūrmet boluy qajettıgı aitylǧan edı.
«Osy oraida, baiqau öz jeŋımpazdarynyŋ jūmysqa degen jauapkerşılıgın arttyrdy, yntasyn oiata tüstı dep oilaimyn», – deidı Vladimir.
Jalpy, özı de «Ärqaşan ıske daiyn bol!» degen ūstanymmen ömır süretın jan. Öitkenı, mamandyǧy qaşanda tastüiın daiyndyqty, sezımtaldyqty talap etedı.
Oǧan qosa, eldıŋ bas qalasynda qyzmet etudıŋ ülken jauapkerşılıgı taǧy bar.
«Bügıngı künı astanalyq qyz-kelınşekterdıŋ densaulyǧy jaqsaryp keledı. Bala tuu körsetkışı de bırşama artty. Al, osy jaǧymdy jaŋalyqtardyŋ menıŋ mamandyǧymmen tıkelei bailanysty boluy köŋılıme quanyş ūialtady», – deidı üzdık därıger.
Astana qalasy halqynyŋ sany 2012 jylǧy 1 mausymdaǧy esep boiynşa 758007 adamǧa jettı. 2011 jyldyŋ däl osy kezeŋımen salystyrǧanda elorda halqynyŋ jalpy sany 15089 adamǧa ösıptı.
Astanada kün saiyn kemınde 40 säbi düniege keledı. Olardyŋ aman-esen jaryq dünie esıgın aşuyna Vladimir Kalaşnikov qyzmet etetın Perinataldyq ortalyq ūjymy da ülken üles qosuda.
Irgetasy 1978 jyly qalanǧan perzenthana alǧaşynda 100 orynǧa laiyqtalsa, bügınde perzenthananyŋ bır auysymda 250 adamdy qabyldaityn äielder keŋesı, 150 oryndyq stasionary bar.
Ortalyq därıgerlerı ana men bala ölımı körsetkışın tömendetu, ginekologiialyq syrqattardy azaitu maqsatynda auqymdy şarualar atqaryp jür. Halyq qalaulysyna ainalǧan Vladimirdei «altyn qol» därıgerlerı bar kezde būl ūjym älı de talai jannyŋ sauabyn alary anyq.
Aitpaqşy, Vladimirdıŋ kelınşegı Olga da akuşer-ginekolog därıger. Ömırde de, eŋbekte de qatar jürgen qos maman aldaǧy uaqytta da elordanyŋ densaulyq saqtau salasyn jaqsartu jolynda qyzmet etıp, halyq igılıgı üşın aianbai ter tögetını anyq.
Şynar DOSAN
