18 قۇرىلىس نىسانى استانادا اباتتاندىرۋ بويىنشا زاڭ بۇزۋشىلىقتار مەن كوشەلەردى بالشىقپەن بىلعاعانى ءۇشىن جازالاندى, دەپ حابارلايدى astana-akshamy.kz
قالالىق قورشاعان ورتانى باقىلاۋ جانە ساپا باسقارماسى اۋدان اكىمدىكتەرىنىڭ ماماندارىمەن بىرلەسىپ, قۇرىلىس نىساندارىنىڭ اراسىندا بىرقاتار بۇزۋشىلىقتاردى انىقتادى.
قۇرىلىس نىساندارىنداعى دوڭگەلەكتەردى جۋ پۋنكتىنىڭ, نەگىزگى جول توسەمىنە قاتتى جاناسۋىنىڭ, قۇرىلىس قورشاۋلارىنىڭ ءتيىستى جاي-كۇيىنىڭ بار-جوعى تەكسەرىلدى. ناتيجەسىندە 88 نىساندا ەسكەرتۋلەر انىقتالدى. بۇزۋشىلىقتار جويىلماعان جاعدايدا پوليتسيا دەپارتامەنتى قر اقبتك 505 جانە 630-باپتارى بويىنشا قورشاۋلار مەن دوڭگەلەكتەردى جۋ پۋنكتتەرى نورمالارىنىڭ تالاپتارىنا سايكەس كەلمەگەنى ءۇشىن اكىمشىلىك حاتتامالار جاسايتىنىن اتاپ وتكەن ءجون.
وسىلايشا, ەلوردانىڭ تابيعاتتى قورعاۋ پوليتسياسى اباتتاندىرۋ ەرەجەلەرىن بۇزعانى ءۇشىن, ونىڭ ىشىندە قورشاۋلاردىڭ دۇرىس ەمەس جاعدايى ءۇشىن 18 قۇرىلىس نىسانى اكىمشىلىك جاۋاپكەرشىلىككە تارتىلدى. بۇگىنگىدە بارلىق انىقتالعان ەسكەرتۋلەر جويىلدى.
