ەلوردالىق سپورتشىلار «تازا قازاقستان: استانا – تازالىق پەن ءتارتىپتىڭ ۇلگىسى» اۋقىمدى ەكولوگيالىق اكتسياسىنا قاتىستى, دەپ حابارلايدى astana-akshamy.kz
وسى اپتا «جاسىل ايماق» ۇرانىمەن ءوتىپ, اعاش وتىرعىزۋعا, ەكپەلەردى اقتاۋعا ارنالدى.
№ 5 وليمپيادالىق رەزەرۆتەگى مامانداندىرىلعان بالالار مەن جاسوسپىرىمدەر سپورت مەكتەبىنىڭ اۋماعىندا سپورتشىلار, جاتتىقتىرۋشىلار مەن سپورت ۇيىمدارىنىڭ قىزمەتكەرلەرى اعاش وتىرعىزدى.
«قالا تۇرعىندارىن «استانا – تازالىق پەن ءتارتىپ ۇلگىسى» اۋقمدى ەكولوگيالىق اكتسياسىنا قاتىسۋعا شاقىرامىن», – دەدى گيننەس رەكوردتار كىتابىنا ەسىمى ەنگەن سپورتشى, قازاقستاننىڭ التى دۇركىن رەكوردشىسى سەرگەي تسىرۋلنيكوۆ.
«ەلوردانىڭ ءاربىر تۇرعىنى ءوزىنىڭ تۇرعىلىقتى جەرىنە جاۋاپكەرشىلىكپەن قاراۋى, اباتتاندىرۋ مەن كوگالداندىرۋعا قاتىسۋى ءتيىس. بۇگىن ءبىز «تازا قازاقستان. استانا – تازالىق پەن ءتارتىپتىڭ ۇلگىسى» ناۋقانى اياسىندا اعاش وتىرعىزىپ, قالانى اباتتاندىرۋعا ءوز ۇلەسىمىزدى قوستىق», – دەدى قر ەڭبەك سىڭىرگەن سپورت شەبەرى, بوكستان الەم جانە ازيا چەمپيونى, وليمپيادا ويىندارىنىڭ قاتىسۋشىسى مەرەي اقشالوۆ.
ەستەرىڭىزگە سالا كەتەيىك, اۋقىمدى ەكواكتسيا اياسىندا قالانى سانيتارلىق تازارتۋ, نوسەر جانە ارىق كارىز جەلىلەرى, كوشەلەردى, تروتۋارلاردى, ورامىشىلىك اۋماقتاردى, قوعامدىق كەڭىستىكتەر مەن اۋلالاردى تازالاۋ جۇمىستارى جۇرگىزىلۋدە. سونداي-اق جاسىل جەلەكتەردى كۇتىپ-باپتاۋ جانە وتىرعىزۋ, ساۋدا نىساندارىنا ىرگەلەس اۋماقتاردى جيناۋ, كوگالدار مەن گۇلزارلاردى ورناتۋ, رۇقسات ەتىلمەگەن پوليگونداردى جويۋ جانە ت. ب. جۇمىستار جۇرگىزىلۋدە.
سونداي-اق ەكواكتسياعا قاتىسۋشىلار اراسىندا فيتنەس-كلۋبقا ءۇش ابونەمەنتكە كونكۋرس وتكىزىلەدى. وعان كەز كەلگەن ادام قاتىسا الادى. ول ءۇشىن استانا اكىمدىگىنىڭ Instagram-داعى (@akimat__astana) رەسمي اككاۋنتىنا جازىلىپ, ەكواكتسيادان ءوز پاراقشاسىنا تۇپنۇسقا ۆيدەو جاريالاپ, وندا #تازااستانا, #ەكواكتسيااستانا حەشتەگتەرىن بەلگىلەۋ قاجەت (جاريالانىم بولۋى كەرەك, stories ەمەس).
ەلوردادا اۋقىمدى ەكولوگيالىق جۇمىستار ءالى دە جالعاسۋدا.
