رەپەر موت استانالىقتارعا ساحنادا ەرەكشە ۇسىنىسپەن ۇندەۋ جاسادى, دەپ حابارلايدى astana-akshamy.kz
استانادا كونتسەرت بارىسىندا تانىمال مۋزىكانت, رەپ-ورىنداۋشى موت ەلوردا تۇرعىندارىنا قالانى تازا ەتۋگە جانە ەكولوگيالىق اكتسيانى قولداۋعا شاقىردى. مۋزىكانت تازالىقتى ارى قاراي جالعاستىرۋدى جانە كونتسەرتتەن كەيىن قوقىس جيناۋدى ۇسىندى.
«وزدەرىڭىز بىلەسىزدەر, ءبىز قازاقستاندى قاتتى ساعىندىق, استانادا كوپتەن بەرى بولعان جوقپىز. قازاقستاندا ەكەنىمىزدى قالاي سەزىنگەنىمىزدى بىلەسىزدەر مە؟ مەن استانانىڭ قانشالىقتى تازا ءارى ادەمى ەكەنىنە كەزەكتى رەت كوز جەتكىزدىم.
سىزدەر وتە جاقسى ادامسىزدار, سول سەبەپتى قالانىڭ تازالىعىنا اتسالىسىڭىزدار.
مەن قازىر ەكولوگيالىق اكتسيا ءجۇرىپ جاتقانىن ەستىدىم. تازالىقتى وسى جەردە دە ساقتاپ, رۋحاني, مۋزىكالىق كەشتى ارى قاراي جالعاستىرايىق. سوندىقتان كونتسەرتكە بوتەلكە, بانكا سياقتى زاتتار الىپ كەلسەڭىزدەر, بىرگە الىپ كەتەيىك», – دەدى موت.
