استانا ەكونوميكالىق فورۋمى كەزىندە التى قازاقستاندىق بايكەر ەلىمىزدەگى «G-Global» مەن «EXPO-201» كورمەسىن ەۋرازيا كونتينەنتىندە اسپەتتەۋ ءۇشىن جولعا شىقتى.
اكتسياعا قاتىسۋشىلار رەسەي, فينليانديا, شۆەتسيا, نورۆەگيا, فرانتسيا, يتاليا, تۇركيا سىندى 20-دان اسا ەلدەردى ارالاپ, استانانىڭ تۋعان كۇنى – 2014 جىلدىڭ 6 شىلدەسى كۇنى ەلگە ورالادى
موتوشەرۋدىڭ ماقساتى – «EXPO-2017» حالىقارالىق كورمەسى مەن قازاقستان رەسپۋبليكاسىنىڭ پرەزيدەنتى ن.نازارباەۆتىڭ باستاماسىمەن جۇزەگە اسىرىلىپ جاتقان «G-Global» ديالوگتىق بىرەگەي الاڭىن الەمگە ناسيحاتتاۋ. موتوشەرۋشىلەردى اتتاندىرا وتىرىپ, قر پارلامەنتى سەناتىنىڭ دەپۋتاتى, «عالىمداردىڭ ەۋرازيالىق ەكونوميكالىق كلۋبى» قاۋىمداستىعىنىڭ ۇيلەستىرۋ كوميتەتىنىڭ تەڭ توراعاسى سەرىك نوگەربەكوۆ بۇل كۇن ءبىزدىڭ ەلىمىز ءۇشىن وتە ماڭىزدى ەكەندىگىن ايتا كەلىپ, كۇللى الەم قازاقستانداعى باستامالاردى وسى اكتسيا ارقىلى دا تانيتىنىنا سەنىم ءبىلدىردى.
