اپتا زەرتتەۋى
«Internet World Stats» اگەنتتىگى كەزەكتى زەرتتەۋ ءناتيجەسىن جاريا-لادى. ونداعى مالىمەتتەرگە سۇيەنسەك, قازاقستاندا 5,6 ميلليون ادام الەۋمەتتىك جەلىلەردى كۇندەلىكتى پايدالانادى ەكەن.
ەڭ تانىمال الەۋمەتتىك جەلىلەردىڭ قاتارىندا كۇنىنە 1 ملن 125 مىڭ رەت قارالاتىن «موي مير», 558 مىڭ رەت قارالاتىن «ودنوكلاسسنيكي», 525 مىڭ رەت قارالاتىن «ۆ كونتاكتە», 410 مىڭ رەت قارالاتىن «Facebook»-ءتى جاتقىزۋعا بولادى.
ەسىڭىزدە بولسىن, قازاقستاندىق ەشبىر سايت, پورتال مۇنداي كەڭ اۋديتوريانى ءالى كۇنگە دەيىن قامتي العان جوق.
كۇنىنە 350 مىڭ قازاقستاندىق ۇيالى تەلەفونمەن «mail.ru agent»-كە كىرەدى ەكەن. ويتكەنى, بۇل اقپارات الماسۋدىڭ ءتيىمدى ءارى ارزان جولى. اگەنتتىك ۇسىنعان تاعى ءبىر قىزىقتى دەرەك, الەۋمەتتىك جەلىلەردەگى ءاربىر ەكىنشى ادام ءوزى جايىندا وتىرىك مالىمەت جازاتىن كورىنەدى. تارقاتىپ ايتساق, ولاردىڭ 29 پايىزى ەسىمى مەن جاسىن, 23 پايىزى وتباسىلىق جاعدايىن, 22 پايىزى ءتۇر-الپەتى جانە قىزىعۋشىلىقتارى تۋرالى, 17 پايىزى ءبىلىمى مەن جۇمىسىنا قاتىستى وتىرىك ايتاتىن بولىپ شىققان.