شاعىن جانە ورتا بيزنەس حالىقتىڭ ءال-اۋقاتىن ارتتىرىپ, قوسىمشا جۇمىس ورىندارىنىڭ اشىلۋىنا, جالاقىنىڭ ۋاقىتىندا تولەنىپ وتىرۋىنا سەبىن تيگىزەتىنى انىق. بۇل رەتتە ەلورداداعى بيزنەس پەن اتقارۋشى ورگان وكىلدەرى ءوزارا تىعىز قارىم-قاتىناستا جۇمىس ىستەپ كەلەدى. قالامىزداعى كاسىپكەرلىك جانە ونەركاسىپ باسقارماسىنىڭ باستىعى ماليكا بەكتۇروۆا وسى جونىندە بايانداما جاسادى.
استانادا يندۋستريالاندىرۋ كارتاسى اياسىندا جەدەلدەتىلگەن يندۋستيرالدى-يننوۆاتسيالىق دامىتۋدىڭ مەملەكەتتىك باعدارلاماسى قابىلدانىپ, «بيزنەستىڭ جول كارتاسى – 2020», «ونىمدىلىك – 2020», «ەكسپورتتاۋشى – 2020», «اگروبيزنەس – 2020» باعدارلامالارى جۇزەگە اسىرىلىپ جاتىر. باسقارما باستىعىنىڭ ايتۋىنشا, يندۋستريالاندىرۋ كارتاسىنىڭ ەنگىزىلگەن جوبالارى بويىنشا قالادا وندىرىلگەن ءونىمنىڭ كولەمى جىل سايىن 2 ەسە ارتۋدا, ولاردىڭ ونەركاسىپ كولەمىندەگى ۇلەسى 4,6 پايىزدى, وڭدەۋشى ونەركاسىپتە 5,6 پايىزدى قۇرادى. ال, استانا اكىمدىگى جانىنداعى ءۇيلەستىرۋ كەڭەسى «بيزنەستىڭ جول كارتاسى – 2020» باعدارلاماسىن ءىسكە اسىرۋدى باستاعان كۇننەن بەرى جالپى سوماسى 38 911,5 ملن تەڭگەنى قۇرايتىن 195 جوبانى ماقۇلداپتى. وسىعان وراي, دوڭگەلەك ۇستەلگە قاتىسۋشىلار قالا كاسىپكەرلەرىنە ءوندىرىستىك ينفراقۇرىلىمدى سالۋعا جاردەمدەسۋ, كاسىپكەرلەردىڭ بيزنەستى اشۋ بويىنشا وتىنىشتەرىن قاراۋ مەرزىمدەرىن قىسقارتۋ جانە رۇقساتتاما راسىمدەرىن جەڭىلدەتۋگە جاردەمدەسۋ كەرەكتىگىن العا تارتتى.
جالپى, ءماسليحات حاتشىسى س.ەسىلوۆتىڭ توراعالىعىمەن وتكەن شاراعا ت.ورازاقوۆ, م.ورالوۆ, ب.سولسانوۆ, ۋ.دوساەۆ سىندى دەپۋتاتتارمەن بىرگە استانا قالاسى كاسىپكەرلەرىنىڭ قۇقىقتارىن قورعاۋ قاۋىمداستىعىنىڭ ءتورايىمى ي.تيۋگينا, «استانا» اكك» اق باسقارماسى توراعاسىنىڭ ورىنباسارى ن. قۇرمانعاليەۆ, «ارۋانا» ەمدەۋ-دياگنوستيكالىق ورتالىعىنىڭ ديرەكتورى م.شىنار, ساۋدا-ونەركاسىپتىك پالاتاسىنىڭ ءتورايىمى ت.كونونوۆا قاتىسىپ, پىكىر ءبىلدىردى. دوڭگەلەك ۇستەل ءماجىلىسىنىڭ جۇمىسىن قورىتىندىلاي كەلە, ءماسليحات حاتشىسى قاتىسۋشىلار تاراپىنان قوزعالعان بارلىق پروبلەمالاردىڭ كەزەكتى سەسسيا تالقىلاۋىنا شىعارىلاتىنىن جانە مۇمكىندىگىنشە ولاردى شەشۋگە جاردەم كورسەتىلەتىندىگىن اتاپ ءوتتى.
گ.وكەشقىزى
