دينارا سادۋاقاسوۆا – الەم چەمپيونى
ەلوردالىق شاحماتشى دينارا سادۋاقاسوۆا ءۇندىستاننىڭ بحۋبانەسۆار قالاسىندا وتكەن جاستار اراسىنداعى الەم چەمپيوناتىندا توپ جاردى. بۇل زياتكەرلىك سايىسىندا 57 شاحماتشى باس جۇلدە ءۇشىن باس قاتىردى
الەم بىرىنشىلىگىندە دينارا 13-تەن 9,5 ۇپاي جيناپ, كوش باستادى. ال ودان كەيىنگى ورىنعا رەسەيلىك, ءۇشىنشى ورىنعا ءۇندىستاندىق شاحماتشى لايىق بولدى.
شۆەيتساريالىق جۇيە بويىنشا ۇيىمداستىرىلعان جارىستا 13 ءتۇر وتكىزىلدى. ەكى اپتاعا سوزىلعان سايىستا ۇزدىك بولعان دينارا ەندى ايەلدەر اراسىنداعى الەم بىرىنشىلىگىندە سىنعا تۇسەدى.
ەلوردالىق جاس تالانت ح.س. وماروۆ اتىنداعى شاحمات كلۋبىندا بەس جاسىنان باستاپ ءتالىم الىپ ءجۇر. دينارا شاحماتپەن قاتار مۋزىكا مەكتەبىنىڭ فورتەپيانو سىنىبىن ۇزدىك اياقتاپ, كوركەمدىك گيمناستيكامەن شۇعىلدانعان. شاحماتقا ءبىرجولا بەت بۇرعان ول سەگىز جاسىندا الەمدىك دەڭگەيدەگى جارىستا توپ جارادى. دينارا سادۋاقاسوۆا ءۇش دۇركىن الەم چەمپيونى, ازيانىڭ ءۇش دۇركىن ۆيتسە-چەمپيونى جانە قازاقستان چەمپيوناتىنىڭ ءبىرنەشە دۇركىن جەڭىمپازى.
ايتپاقشى, دينارا 2014 جىلى ءوزىنىڭ شاكىرتاقىسىنا «شاحماتتاعى العاشقى قادامدار» اتتى ءادىستەمەلىك كىتابىن شىعاردى. بۇل – شاحمات ۇيرەنگىسى كەلەتىن جەتكىنشەكتەرگە تاپتىرماس وقۋ قۇرالى.