2018 جىلدىڭ سوڭىنا دەيىن ەلوردانىڭ 65 كوشەسىندەگى جولدار ورتاشا جوندەۋدەن وتەتىن بولادى. كوشەلەردىڭ 15-ءى قالانىڭ ورتالىعىندا, 50-ءى قالا شەتىندەگى تۇرعىن ءۇي الاپتارىندا ورنالاسقان. جوندەلەتىن جولداردىڭ ۇزىندىعى 49,9 شاقىرىمدى قۇرايدى دەپ حابارلادى استانا قالاسى اكىمدىگىنىڭ ءباسپاسوز قىزمەتى.
ءوندىرىس, وڭتۇستىك-شىعىس, كوكتال جانە اگروقالاشىق تۇرعىن ءۇي الاپتارىندا 50 كوشەدەگى جولداردىڭ جالپى ۇزىندىعى – 18 شاقىرىمدى قۇراپ وتىر. ورتاشا جوندەۋ جۇمىستارىنىڭ بارىسىندا اسفالتبەتوندى جابىن توسەلىپ, جولداردىڭ نەگىزى سالىنادى.
استانا قالاسى كولىك جانە جول-كولىك ينفراقۇرىلىمىن دامىتۋ باسقارماسىنىڭ مالىمەتتەرى بويىنشا, بۇگىنگى تاڭدا ەلوردانىڭ شەتىندە ورنالاسقان 5 كوشەدە جولداردى جوندەۋ جۇمىستارى تولىق اياقتالعان. اتاپ ايتقاندا, ءوندىرىس, كوكتال, اگروقالاشىق تۇرعىن ءۇي الاپتارى مەن وڭتۇستىك-شىعىس شاعىن اۋدانىنداعى 23 كوشەدە ۇزىندىعى 10,5 شاقىرىمدى قۇرايتىن جولدار سالىنىپ جاتىر. 1 شىلدەگە دەيىن قالعان كوشەلەردى پايدالانۋعا بەرۋ جوسپارلانىپ وتىر. جولدار كەزەڭ-كەزەڭىمەن جىل سوڭىنا دەيىن پايدالانۋعا بەرىلەدى.
قالانىڭ شەت اۋماقتارىن دامىتۋ شەڭبەرىندە وسى جىلى, سونداي-اق, كوكتال-2 تۇرعىن ءۇي الابىندا 8 كوشەدەگى جولدار سالىنىپ, قايتا جاڭارتىلىپ, جارىقتاندىرىلاتىن بولادى. 8 كوشەدەگى جولداردىڭ جالپى ۇزىندىعى – 3,2 شاقىرىم. بۇل كوشەلەردەگى ۇيلەرگە ينجەنەرلىك جەلىلەر دە تارتۋ جوپارلانعان.
