ەسىكتى تەۋىپ سىندىرعان ۆاندالدار جازاسىن الدى

ەلودادا ءۆانداليزمنىڭ كەز كەلگەن تۇرىمەن قارقىندى كۇرەس ءجۇرىپ جاتىر. قۇقىق قورعاۋ ورگاندارى تاعى ەكى قۇقىق بۇزۋشىنى انىقتاپ, جازالادى.

ماسەلەن, 14 ءساۋىر كۇنى تاڭعى ساعات 3:40-تا 43 جاستاعى ەر ادام ماس كۇيىندە قوناەۆ كوشەسىندە ورنالاسقان بانك بولىمشەسىنە كىرەتىن ەسىكتىڭ اينەگىن سىندىرعان. ونىڭ جەكە باسى انىقتالىپ, 20 اەك ايىپپۇل سالىندى.

تاعى ءبىر جاعدايدا, 11 ساۋىردە تاڭعى ساعات 6 شاماسىندا 35 جاستاعى ەر ادام بوگەنباي باتىر داڭعىلىنداعى جىلى ايالدامانىڭ ەسىگىن سىندىردى. ول دا ماس بولعان, 15 كۇنگە قاماۋعا الىندى.

جىل باسىنان بەرى سوت بوتەننىڭ مۇلكىن قاساقانا سىندىرعانى, جالپى پايدالانۋ ورىندارىن لاستاعانى, عيماراتتار مەن تۇرعىن ءۇي-جايلاردى بۇلدىرگەنى ءۇشىن 100-گە جۋىق ادام جازالاندى. ولاردىڭ ءبارى جاۋاپقا تارتىلدى.

ايتا كەتەيىك, استانادا ەرىكتىلەر, بەلسەندىلەر, تانىمال سپورتشىلار, ۇەۇ وكىلدەرى, قالا تۇرعىندارى قولداعان «توقتا, ۆاندال» اكتسياسى ءجۇرىپ جاتىر. اكتسيا اياسىندا قالادا كۇندىزگى جانە تۇنگى رەيدتەر وتكىزىلەدى, تۇرعىندار اراسىندا قوعامدىق ءتارتىپتى ساقتاۋ جانە قالا مۇلكىنە ۇقىپتى قاراۋ قاجەتتىلىگى تۋرالى ءتۇسىندىرۋ جۇمىستارى جۇرگىزىلەدى.

اكتسيانىڭ ماقساتى – ءۆانداليزمنىڭ كەز كەلگەن جاعدايىن بولدىرماۋ جانە ەلوردادا تازالىق پەن ءتارتىپتى ساقتاۋ. ءۆانداليزمنىڭ الدىن الۋ جۇمىستارى قالالىق پروكۋراتۋرا مەن پوليتسيا دەپارتامەنتىنىڭ ۇيلەستىرۋىمەن جۇرگىزىلەدى.