يندۋستريالىق-يننوۆاتسيالىق دامىتۋدىڭ 2015-2019 جىلدارعا ارنالعان مەملەكەتتىك باعدارلاماسىنىڭ جوباسى ازiرلەنiپ, ۇكiمەت وتىرىسىندا بەكiتiلدi. بۇل تۋرالى ورتالىق كوممۋنيكاتسيالار قىزمەتىندە وتكەن ۇكىمەت وتىرىسىنىڭ قورىتىندىسى جونىندەگى بريفينگتە ءمالىم بولدى.
پرەمەر-ءمينيستردىڭ ورىنباسارى – قر يندۋستريا جانە جاڭا تەحنولوگيالار ءمينيسترى اسەت يسەكەشەۆتىڭ ايتۋىنشا, مينيسترلەر كابينەتى بەكىتكەن باعدارلاما جوباسى وسى ايدىڭ اياعىنا دەيىن پرەزيدەنت اكiمشiلiگiنە جولدانادى.
بۇل – يندۋستريالىق-يننوۆاتسيالىق دامىتۋ باعدارلاماسىنىڭ ەكiنشi بەس جىلدىقتاعى جوسپارى. ونىڭ ماقساتى – ەكونوميكانىڭ ورنىقتى جانە تەڭگەرىمدى ءوسۋىن قامتاماسىز ەتۋ, ەكونوميكانىڭ باسىم سەكتورلارىن الەۋمەتتىك ءتيىمدى دامىتۋدى كۇشەيتۋ جانە ينۆەستيتسيالىق جوبالاردى ىسكە اسىرۋ, يندۋستريالاندىرۋ ءۇشىن قولايلى ورتا قۇرۋ جانە الەۋەتتى, ۇتىمدى اۋماقتىق ۇيىمداستىرۋ نەگىزىندە ەكونوميكالىق ءوسىم ورتالىقتارىن قالىپتاستىرۋ. وسى باعدارلامانى جۇزەگە اسىرۋ ارقىلى قازاق ەلى الەمنىڭ ەڭ دامىعان 30 ەلىنىڭ قاتارىنا قوسىلۋدى كوزدەپ وتىر.
الداعى بەسجىلدىققا جوسپارلانعان قۇجاتتا كلاستەرلەردi دامىتۋعا, يننوۆاتسيالىق جانە تەحنولوگيالىق مودەرنيزاتسيالاۋعا ايرىقشا ماڭىز بەرىلگەن.
