التىن كەنىشىندەگى قايعىلى وقيعا 100% «مايقايىڭالتىن» اق-نىڭ كىناسىنەن بولعان, دەپ حابارلايدى astana-akshamy.kz
استانانىڭ مامانداندىرىلعان اۋدانارالىق اكىمشىلىك سوتى ىشىندە «كااقق رو» جشس-نە قاراستى 4 قۇتقارۋشى بار اۆتوبۋستىڭ ويىققا قۇلاۋىنا كەنىش يەسى – «مايقايىڭالتىن» كومپانياسى كىنالى دەگەن قورىتىندىعا كەلدى. قايعىلى وقيعا جاۋاپتى تۇلعالاردىڭ ارەكەتسىزدىگىنەن تۋىنداعان.
2024 جىلدىڭ 4 قاڭتارىندا «مايقايىڭالتىن» اق-نىڭ جەراستى كەنىشىنىڭ اۋماعىندا «كااقق» ىشىندە جشس قىزمەتكەرلەرى اۆتوبۋس تازارتۋ كەڭىستىگىنە قۇلاپ كەتكەن ەدى.
وقيعا سالدارىنان ەكى ادام قازا تاۋىپ, قالعان ەكەۋى حابار-وشارسىز جوعالعان بولاتىن.
قر ەڭبەك جانە حالىقتى الەۋمەتتىك قورعاۋ مينيسترلىگى ەڭبەك جانە الەۋمەتتىك قورعاۋ كوميتەتى توراعاسىنىڭ 2024 جىلعى 4 قاڭتارداعى بۇيرىعىمەن ەڭبەك كودەكسىنىڭ 188-بابىنىڭ 3-تارماعىنا سايكەس, ەڭبەك قىزمەتىنە بايلانىستى ولىمگە اكەلىپ سوققان جازاتايىم وقيعانىڭ سەبەپتەرىن تەرگەۋ ماقساتىندا كوميسسيا قۇرىلدى.
تەرگەۋ قورىتىندىسى بويىنشا كوميسسيا توپتىق جازاتايىم وقيعانى تەرگەۋ اكتىسىن جاساپ, وعان جۇمىس بەرۋشىنىڭ 100% كىناسى بار ەكەندىگىن انىقتاعان.
بىراق جازاتايىم وقيعاعا بايلانىستى «مايقايىڭالتىن» اق قاتىسى جوق ەكەنىن ايتىپ, استانانىڭ مامانداندىرىلعان اۋدانارالىق اكىمشىلىك سوتىنا تالاپ ارىز تۇسىرگەن.
«ءىستى قاراۋ كەزىندە سوت تاۋ-كەن ماسساسىنىڭ كەڭىستىككە قۇلاۋى سالدارىنان توپتىق جازاتايىم وقيعانىڭ سەبەپتەرىنە مىنالاردى جاتقىزدى:
1. «مايقايىڭالتىن» اق جاۋاپتى تۇلعالارى تاراپىنان تاۋ-كەن جۇمىستارىنىڭ قاۋىپسىز جۇرگىزىلۋىنە وندىرىستىك باقىلاۋدى تيىسىنشە جۇزەگە اسىرماي, جۇمىس ءوندىرىسىن قاناعاتتانارلىقسىز ۇيىمداستىرۋى. 2. تاۋ-كەن جانە گەولوگيالىق بارلاۋ جۇمىستارىن جۇرگىزەتىن قاۋىپتى وندىرىستىك وبەكتىلەر ءۇشىن ونەركاسىپتىك قاۋىپسىزدىكتى قامتاماسىز ەتۋ قاعيدالارىن بۇزا وتىرىپ, بلوكتاردى پىسىقتاۋ كەزىندە وپىرىلۋ پروتسەسىن ءتيىستى دەڭگەيدە باقىلاماۋ.
3. تالاپكەردىڭ كەن قازبالارىن پىسىقتاۋ كەزىندە قازبا بىرلىكتەرىن (بلوكتارىن) جەتىلدىرۋگە ارنالعان جوبالارى بولماعان (ازىرلەنبەگەن).
دەرەكتەر مەن باسقا دا ءمان-جايلار سوتتا زەرتتەلگەن تەرگەۋ ماتەريالدارىمەن, ونىڭ ىشىندە ساراپتامالار مەن كىشى كوميسسيالاردىڭ قورىتىندىلارىمەن راستالدى.
جازاتايىم وقيعا جۇمىس ۋاقىتىندا «كااقق» جشس قىزمەتكەرلەرىنىڭ ەڭبەك مىندەتتەرىن ورىنداۋ كەزىندە بولعان.
«مايقايىڭالتىن» اق جاۋاپتى تۇلعالارىنىڭ ارەكەتتەرىنەن (ارەكەتسىزدىگىنەن) تۋىنداعان جازاتايىم وقيعانىڭ سەبەپتەرىن نەگىزگە الا وتىرىپ, تالاپكەردىڭ 100% كىناسى بار دەپ تانىلدى», – دەپ حابارلادى استانانىڭ مامانداندىرىلعان اۋدانارالىق اكىمشىلىك سوتى.
وسىعان بايلانىستى سوت ەڭبەك كوميتەتى مەن قر توتەنشە جاعدايلار مينيسترلىگىنىڭ ونەركاسىپتىك قاۋىپسىزدىك كوميتەتىنە تالاپ قويۋدى قاناعاتتاندىرۋدان باس تارتتى.
سوت ونەركاسىپتىك قاۋىپسىزدىك كوميتەتىن ءتيىستى ەمەس تۇلعا رەتىندە تانىدى. شەشىم زاڭدى كۇشىنە ەنگەن جوق.
ەسكە سالا كەتەيىك, التىن كەنىشىندەگى اپاتتىق جاعدايدان كەيىن توقتاپ قالعان شاحتانىڭ جۇمىسى ءالى كۇنگە دوعارىلىپ تۇر.
