استانادا «مەكتەپكە جول» اتتى اكتسيا جالعاسۋدا. بيىل 17 مەملەكەتتىك ورگان مەكتەپ وقۋشىلارىنا جاردەمدەسۋگە نيەت ءبىلدىرىپتى. قازىرگى تاڭدا الەۋمەتتىك جاعدايى تومەن وتباسىلاردىڭ سانى الىنىپ, بالالارعا كومەك بەرۋ باستالىپ كەتتى.
ايگۇل داۋلەتقىزى,
«نۇر وتان» حدپ قالالىق فيليالىنىڭ قوعامدىق-ساياسي جۇمىس ءبولىمىنىڭ مەڭگەرۋشىسى:
–بيىلعى جاڭا وقۋ جىلى قارساڭىندا تۇرمىسى تومەن جانە سول سەكىلدى بالالار ۇيىندە تاربيەلەنۋشىلەردى مەكتەپكە قاجەتتى وقۋ قۇرال-جابدىقتارمەن, كيىم-كەشەكپەن تولىق قامتاماسىز ەتۋدى نىساناعا الىپ وتىرمىز. بالالاردىڭ تۇرمىستىق جاعدايىنىڭ ءارتۇرلى سەبەپتەرىنە بايلانىستى مەكتەپكە بارماي قالۋىن بولدىرماس ءۇشىن ولاردىڭ وت¬باسىلارىنا دەمەۋشىلىك جاساپ, قولداۋ كورسەتۋدى يگىلىكتى ءىس دەپ بىلەمىز. «كوپ تۇكىرسە – كول» بولاتىنى انىق. ءبىز ءۇش اۋدان بويىنشا تۇرمىسى تومەن وتباسىلاردىڭ ءتىزىمىن جيناپ الدىق. ەندى 27 تامىز كۇنى وقۋشىلار سارايىندا مىڭ بالاعا مەكتەپكە قاجەتتى قۇرال-جابدىقتاردى سال¬تاناتتى تۇردە تابىس ەتپەكپىز. ولاردىڭ 500-ءى 1-سىنىپ وقۋشىلارى, قالعانى 5-سىنىپقا دەيىنگىلەر. ساپالى ءارى ادەمى بولسىن دەپ بارلىق قۇرالداردى «ابدي» دۇكەنىنەن الىپ جاتىرمىز. شارانىڭ سوڭىندا بالالارعا ارنالعان شاعىن كونتسەرت ۇيىمداستىرامىز.
مەيرامكۇل قاپاسوۆا,
كوپبالالى اتا-انا:
–بۇل اكتسيا ءبىز ءۇشىن ۇلكەن جەڭىلدىك بولدى. بىلتىر ۇلىمنىڭ بارلىق شىعىنىن دەمەۋشىلەر كوتەرگەن. كوپبالالى انا بولعاندىقتان بارىنە بىردەي وقۋ قۇرالىن الىپ بەرۋگە شاما كەلە بەرمەيدى. وسىنداي كەزدە, ءبىلىم باسقارماسىنىڭ باستاما كوتەرىپ, جاقسىلىق شاراپاتىن تيگىزەتىن شارا وتكىزىپ جاتقانىنا قۋانىشتىمىز. بۇل ءبىز ءۇشىن ۇلكەن كومەك. جاساعان جاقسىلىقتارىنا العىس ايتامىن. ىزگىلىكتى ءىس وشپەيدى. بالالارىم ەر جەتكەن سوڭ, اعالارىنىڭ مىرزالىعىن ۇمىتپاي, ريزالىعىن ءبىلدىرىپ, ادال ەڭبەكتەرىمەن قايتارار دەپ سەنەمىن. راحمەت, سىزدەرگە!
ايتولقىن يساعالي,
3-سىنىپ وقۋشىسى:
–بىلتىرعى اعالاردىڭ جومارتتىعىن ۇمىتپايمىن. مەكتەپ¬كە قاجەتتى قۇرال-جابدىقتارىمدى, كيىم-كەشەكتەرىمدى الىپ بەرگەن. بيىل دا, كومەكتەسەمىز دەپ وتىر. بۇل, اسىرەسە, اتا-اناما جاقسى بولدى.
ەركەجان ساتىمبەك
