ءاز-ناۋرىز قۇت پەن ىرىستىڭ باستاۋى, ءاربىر جاننىڭ قالاۋىن ورىندايتىن جالپىحالىقتىق توي ەلوردادا ەرەكشە ءوتتى. بيىل ەلوردادا ناۋرىز مەيرامى قالانىڭ ءتورت اۋدانىنداعى اشىق الاڭداردىڭ بارىندە جانە ەلدى مەكەندەردە اتاپ ءوتىلدى. مەرەكەلىك اندەر بارلىق اۋداندا شىرقالدى, سول سياقتى جۇرتشىلىق جاڭا پىسكەن باۋىرساقتان, ناۋرىز كوجەدەن ءدام تاتتى.
«ناۋرىز بازارى» جارمەڭكەسى
ناۋرىز كۇندەرى قالانىڭ باستى الاڭدارىندا مەرەكەلىك ءىس-شارالار ۇيىمداستىرىلدى. بايقوڭىر اۋدانىندا كيىز ۇيلەردىڭ كورمەسى مەن اتاتۇرىك ساياباعىندا جانە جازۋشىلار اللەياسىندا كونتسەرت ءوتتى. ءىس-شارالاردا قازاقستاندىق ەسترادا جۇلدىزدارى ونەر كورسەتتى. سونداي-اق, اشىق اسپان استىندا مەرەكەلىك كوڭىل كۇي سىيلاۋ ءۇشىن ءتۇرلى ءتۇستى فوتوايماقتار, التىباقان ۇيىمداستىرىلدى.
جەكە الاڭدا ۇلتتىق سپورت تۇرلەرى بويىنشا جارىستار وتكىزىلدى, ونىڭ ىشىندە – گىر تاسىن كوتەرۋ, ارمرەستلينگ, ارقان تارتۋ, اسىق اتۋ, قازاقشا كۇرەس, قوي كوتەرۋ جانە تاعى باسقالارى بار. سونىمەن قاتار, ءوندىرىس, كيرپيچنىي جانە قازقالاشىق تۇرعىن الابىندا اشىق اۋادا مەرەكەلىك ءىس-شارالار ۇيىمداستىرىلدى.
ەسىل اۋدانىنىڭ تۇرعىندارى دا ناۋرىز مەيرامىن ەرەكشە اتاپ ءوتتى. بىرنەشە قوعامدىق كەڭىستىك اۋماعىندا مەرەكەلىك كونتسەرتتەر ۇيىمداستىرىلىپ, كيىز ۇيلەر ورناتىلىپ, جۇرتشىلىققا ناۋرىز كوجە ۇسىنىلدى. كونتسەرتتىك باعدارلاما بىرنەشە تۇرعىن ءۇي كەشەنىنىڭ اۋماعىندا دا ءوتتى. «جاعالاۋ» تك جانىندا ارتىستەر, مەكتەپ انسامبلدەرى ونەر كورسەتتى.
21 ناۋرىزدا ەلوردالىقتار جانە قالا قوناقتارى «قازاقستان» وكز-دا «ءانىم سەن ەدىڭ» كونتسەرتىن تاماشالادى. ەلىمىزدىڭ جەتەكشى سوليستەرى مەن زاماناۋي ەسترادانىڭ تانىمال ارتىستەرى قازاقتىڭ كورنەكتى كومپوزيتورى ءشامشى قالداياقوۆتىڭ اندەرىن ورىندادى.
21-23 ناۋرىز ارالىعىندا ەكسپو حالىقارالىق كورمە ورتالىعىنىڭ اۋماعىندا
«ناۋرىز بازارى» شىعىس جارمەڭكەسى ءوتتى. تۇرعىندار ەتنوستيلدەگى جاڭا كوللەكتسيالاردان كيىم, زەرگەرلىك بۇيىم, كەراميكادان, مەتالدان, كيىزدەن, جىبەكتەن, قولدان جاسالعان بۇيىمدار, ءتۇرلى كادەسىيلاردى قولجەتىمدى باعاعا ساتىپ الدى. سونداي-اق, مۇندا ەلدىڭ ءارتۇرلى ايماعىنان شارۋا قوجالىقتارى مەن تاۋار وندىرۋشىلەردىڭ ونىمدەرى ۇسىنىلدى.
«كوشپەلى وركەنيەت» فەستيۆالى
ناۋرىز تويىنداعى ءبىر ەرەكشەلىك سول – «كوشپەلى وركەنيەت» فەستيۆالى قالانىڭ بارلىق ءتورت اۋدانىنىڭ اۋماعىندا ورنالاستى. ەسىل اۋدانىندا ول ەكسپو اۋماعىنداعى Nur Alem سفەراسىنىڭ جانىنداعى اشىق الاڭدا وتكىزىلدى. فەستيۆال اياسىندا ۇلتتىق سپورت تۇرلەرى بويىنشا – كوكپار, بايگە, تەڭگە الۋ, قىز قۋ, قازاق كۇرەسى, ارقان تارتۋ, گىر تاسىن كوتەرۋ, قۇماي تازى جارىسى جانە تاعى باسقا جارىستار استاناداعى ناۋرىز تويىن قىزدىرا ءتۇستى.
مەرەكەلىك ءىس-شارالار «بايتەرەك» مونۋمەنتىنىڭ جانىنداعى الاڭدا, پريگورودنىي جانە ۇركەر تۇرعىن الاپتارىندا ءوتتى. سونداي-اق, ناۋرىز مەيرامى نازارباەۆ ورتالىعىنىڭ, «ارناۋ», «زەلەنىي كۆارتال» جانە «جاعالاۋ» تۇرعىن ءۇي كەشەندەرىنىڭ اۋماعىندا, «كومفورت-1» كوتتەدج قالاشىعىندا وتكىزىلىپ, تۇرعىندارعا مەرەكەلىك كەرەمەت كوڭىل كۇي سىيلادى.
اۋدان اۋماعىندا ورنالاسقان 9 سوو-نىڭ اكىمشىلىگى ناۋرىز مەرەكەسىنە وراي ءتۇرلى ءىس-شارا ۇيىمداستىردى, ونىڭ ىشىندە كيىز ءۇي جاساۋ بويىنشا شەبەرلىك سىنىبى, ارتىستەردىڭ قويىلىمدارى, ۇلتتىق ويىندار, جارمەڭكەلەر, كورمەلەر, تەاترلاندىرىلعان قويىلىمدار جانە ت. ب.
ناۋرىز مەيرامى سارىارقا اۋدانىندا ورنالاسقان 4 قوعامدىق كەڭىستىكتە ەرەكشە اتاپ ءوتىلدى. اۋداندا مەرەكەلىك ءىس-شارالار 21 ناۋرىزدا قالا الاڭىندا جانە اگروقالاشىق ەلدى مەكەنىنىڭ الاڭىندا ءوتتى. مۇندا كيىز ۇيلەر, التىباقان جانە فوتوايماقتار ورناتىلدى, ءداستۇرلى تۇردە ۇلتتىق سپورت تۇرلەرى بويىنشا جارىستار ۇيىمداستىرىلىپ, قوناقتارعا مەرەكەلىك تاعامدار مەن سۋسىندار ۇسىنىلدى. سونداي-اق مۇندا كەز كەلگەن ادام ساداق اتىپ, بۇركىت پەن تازىنى ۇستاپ سۋرەتكە ءتۇستى, قولدان جاسالعان بۇيىمدار جارمەڭكەسى وتكىزىلدى.
22 ناۋرىزدا مەرەكەلىك ءىس-شارالار «كوكتال» جانە «قورعالجىن» ساياباعىندا وتكىزىلىپ, ەلوردالىقتارعا ەرەكشە اسەر ەتتى. مۇندا كيىز ۇيلەر, فوتوايماقتار, التىباقان ورناتىلىپ, كونتسەرت پەن تاتتىلەر دايىندالدى, كەلۋشىلەر اسىق اتۋ, قول كۇرەس, ارقان تارتۋ, گىر تاسىن كوتەرۋ جارىسىندا ءوز شەبەرلىگىن كورسەتتى.
21-22 ناۋرىزدا الماتى اۋدانىندا تۇركى جانە پارسى حالىقتارىنىڭ جاڭا جىلى – ناۋرىز مەيرامى اتاپ ءوتىلدى. اۋداندا 15 ورىن دايىندالعان. بارلىق الاڭدا مەرەكەلىك كونتسەرتتەر وتكىزىلىپ, ۇلتتىق تاعامدار ۇلەستىرىلىپ, ۇلتتىق ويىندار وينالدى.
يننوۆاتسيالىق كيىز ءۇي ورناتىلدى
ناۋرىز مەرەكەسىنە وراي ەلوردادا ەكسپو حالىقارالىق كورمە ورتالىعىنىڭ اۋماعىندا Nur Alem ماڭىنا جاقىن جەردە كوشپەلى وركەنيەت فەستيۆالى ۇيىمداستىرىلدى. فەستيۆال الاڭىندا ەتنواۋىل ورناتىلىپ, ەلىمىزدىڭ تۇكپىر-تۇكپىرىنەن كەلگەن قولونەرشىلەر وزدەرىنىڭ شەبەرلىگىن كورسەتىپ, بىلىمىمەن ءبولىسۋ ءۇشىن جينالدى. مۇندا كەلگەندەر قولدان جاسالعان بۇيىمداردى تاماشالاپ, ۇلتتىق ويۋ-ورنەكتەر مەن كەستە, كىلەم توقۋ, كيىزدەن جاسالعان كونە توقىما ونەرى, ءتىپتى ساۋىت جاساۋ بويىنشا بىرەگەي شەبەرلىك ساباعىنا قاتىستى. فەستيۆالدىڭ باستى ەرەكشەلىگى – جاساندى ينتەللەكت كومەگىمەن جاسالعان ونەر, ديزاين, انيماتسيا زاتتارىن قامتيتىن Neo Nomad يننوۆاتسيالىق كيىز ءۇيى ورناتىلدى.
