№ 8 مەكتەپ-ليتسەيىنىڭ 9-سىنىپ وقۋشىسى الينۇر سادىر بولاشاق ونەر ورداسىنىڭ ارحيتەكتۋرالىق سىزباسىن ويلاپ تاپتى.
– بولاشاق ماماندىعىم ارحيتەكتۋرامەن بايلانىستى بولعاندىقتان, ءوزىمنىڭ ارمانىمداعى ارحيتەكتۋرالىق سىزبانى مەكتەپ قابىرعاسىنان باستاعاندى ءجون كوردىم, بۇل باستامام كەلەشەكتە ارمانىما قانات بايلاپ, ناعىز ماقساتقا اينالارىنا كامىل سەنەمىن. بۇل جوبانىڭ سىرت كەلبەتىنە قاراساق, ونەر ورداسى بولعاندىقتان نوتا تارىزدەس كورىنگەنىن قالادىم. ونەر ورداسىنىڭ ىشكى ەلەمەنتتەرىنە كەلەتىن بولساق, تولىقتاي قاشىقتىقتان باسقارۋ قىزمەتى ورناتىلعان, جارىقتى ۇنەمدەۋ, اپاتتىڭ الدىن الۋ قوسىمشاسى قوندىرىلعان. جوبانى جاساۋعا ءبىر ايدان اسا ۋاقىت جۇمسادىم. بۇل جوبام «استانا دارىنى» ۇيىمداستىرعان «بولاشاق ساۋلەت ونەرى» جوباسىندا جۇلدەلى ءىىى ورىن يەلەندى, ارحيتەكتۋرالىق جوبالارمەن قاتار, پانارالىق وليمپيادالاردا ورىن يەلەندىم جانە بالقاش قالاسىنداعى «بالداۋرەن» لاگەرىنە بارىپ, قازاقستاندىق جاس پاتريوتتار اكادەمياسىنىڭ مۇشەلىگىنە قابىلدانىپ, توسبەلگىمەن ماراپاتتالدىم.
وسى سالادا ءالى تالاي جەتىستىكتەرگە ۇمتىلسام, جاڭالىق بولار دۇنيەلەردى جاساسام, – دەيدى جاس ارحيتەكتور الينۇر تالعاتۇلى.
– الينۇر – وقۋ ەكپىندىسى, سىنىپتىڭ بەلسەندىسى, فيزيكا-ماتەماتيكا پاندەرىن ءسۇيىپ وقيدى, بولاشاق ماماندىعى جوعارىدا اتاپ وتكەندەي, ارحيتەكتۋرا سالاسىمەن بايلانىستى. كەلەشەكتە الينۇردى ءوز سالاسىنىڭ مىقتى مامانى بولارىنا سەنەمىن» دەيدى «STEAM» زەرتحاناسىنىڭ جەتەكشىسى, ءارى سىنىپ جەتەكشىسى, كوركەم ەڭبەك ءپانىنىڭ مۇعالىمى ماقسات تولەنتايۇلى.
