ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ «دەنە تاربيەسى جانە سپورت» ماماندىعىنىڭ ءۇشىنشى كۋرس ستۋدەنتتەرى – اپالى-ءسىڭلى الەكساندرا مەن ەكاتەرينا نەميچتەر بيىل ريو-دە-جانەيرودا وتەتىن جازعى وليمپياداعا ويىندارىنا جولداما جەڭىپ الدى.
جاقىندا برازيليادا سينحروندى جۇزۋدەن وتكەن وليمپيادالىق ىرىكتەۋ تۋرنيرىندە ۇزدىك وندىققا كىرگەن استانالىق سپورتشىلار ەندى ەل نامىسىن قورعايتىن بولادى.
نەميچتەر سپورت سايىستارىنىڭ ەڭ مارتەبەلى جارىسى وليمپيادا ويىندارىنا العاش رەت قاتىسقالى وتىر. ولار 2014 جىلى ينچحوندا وتكەن XVII جازعى ازيا ويىندارىندا قازاقستان قۇراماسى ساپىندا قولا جۇلدەگەر اتانعان بولاتىن. ەندى, مىنە, شەبەرلىكتەرى شىڭدالا تۇسكەن ساڭلاق ارۋلار وتە ماڭىزدى دوداعا تۇسپەك. اپالى-
ءسىڭلى نەميچتەر ازيا ويىندارىنداعى جەڭىستەرىن ەۋرازيا ۇلتتىق ۋنيۆەرسيتەتىنىڭ 20 جىلدىعىنا ارناعان ەدى. ال ريو-دە-
جانەيرودا جۇلدەلى بولساق, وندا ول تابىسىمىزدى ەل ءتاۋەلسىزدىكتىڭ 25 جىلدىعىنا ارنايمىز, – دەيدى كەلەشەككە سەنىممەن قاراعان سپورتشى ستۋدەنتتەر.
ءمادينا جاقىپ
