جىل سايىن قازاننىڭ ءار ەكىنشى جەكسەنبىسى كوڭىلى جارىم, دەنساۋلىعىندا كەمىستىگى بار جاندارعا مەيىرىم سىيلاۋعا ۇندەيتىن مەرەكە رەتىندە اتالىپ وتىلەدى. وسىعان وراي, استانادا مۇگەدەكتەر كۇنى قارساڭىندا مۇمكىندىگى شەكتەۋلى جاندارعا ءبىر رەتتىك ماتەريالدىق كومەك كورسەتىلەدى. قالالىق جۇمىسپەن قامتۋ جانە الەۋمەتتىك باعدارلامالار باسقارماسىنىڭ حابارلاۋىنشا, بيىل مەملەكەتتىك الەۋمەتتىك جاردەماقى14 مىڭ ادامعا بەرىلمەكشى.
ەلوردادا مۇگەدەكتەر كۇنىن اتاپ ءوتۋ بارىسىندا ۇيىمدار مەن كاسىپورىنداردا بىرقاتار قايىرىمدىلىق شارالارى دا ۇيىمداستىرىلادى. مۇگەدەك بالالار «دۋمان», «مەگا», «حانشاتىر», «كەرۋەن» جانە «ازيا پارك» ساۋدا, ويىن-ساۋىق كەشەندەرىندە اتتراكتسيوندارعا تەگىن كىرەدى, شاحمات, دويبى جانە توعىزقۇمالاقتان جارىسقا قاتىسادى. «استانا وپەرا» مەملەكەتتىك وپەرا جانە بالەت تەاترىنا ەكسكۋرسيا, «جۇرەكتەن جۇرەككە» مەرەكەلىك ءىس-شاراسى, ارباعا تاڭىلعان مۇگەدەكتەردىڭ قاتىسۋىمەن فلەشموب ۇيىمداستىرىلادى. سونىمەن قاتار, قايىرىمدىلىق شارالار بارىسىندا كيىم-كەشەكتەر تاراتىلىپ, مەرەكەلىك داستارقاندار جايىلادى.
سالەمەتسيزبە!مەنىڭ سۇراعىم بار ەدى,مەن جاقىندا وتباسى ءبولدىم!وزىم ستۋدەنت ەدىم,وتباسىلىق جاتاxانا بەرىلەرمەكەن استانا قالاسىنان,استانادادا تۋرمايمىز,جارىمدى استاناعا الىپ كەلگىم كەلەدى,مەن نەستەسەم بولادى,كىمنەن كومەك سۋراسام بولادى؟