كەڭ پەيىلدى كەمىمەس
قاسيەتتى قۇربان ايت مەرەكەسىندە «نۇر استانا» ورتالىق مەشىتى تۇرمىسى تومەن وتباسىلارعا كومەك قولدارىن سوزىپ, بىرقاتار ىزگى شارالار وتكىزدى.
ورتالىق مەشىتتىڭ نايب يمامى اسحات ءسالىموۆ قۇربان ايت مەرەكەسى كەزىندە مۇقتاج جاندارعا ارنالعان اكتسيا ۇيىمداستىرىلىپ, وندا قۇرباندىق نيەتىمەن ازاماتتاردىڭ وننان اسا ءىرى قارا, جەتپىسكە جۋىق ۇساق مالى سويىلعانىن ايتتى. بۇعان قوسا كەي ازاماتتار ساداقا رەتىندە قۇرباندىعىنىڭ ءبىر بولىگىن, ال كەيبىرى تۇگەلىمەن اتاعان ەكەن.
قۇربان ايتىنىڭ العاشقى كۇنىنەن «نۇر استانا» ورتالىق مەشىتىندە ءال-اۋقاتى تومەن وتباسىلارعا ەت تاراتۋ باستالعان ەدى. ال ارقايسىسىنا 5-10 كگ ولشەمىندە سالىنعان ەت پاكەتتەرى ايت كۇندەرى ءۇيدى-ۇيگە ۇلەستىرىلدى.
ايتتىڭ ەكىنشى كۇنىندە «جەتەۋدىڭ ءبىرى بول دا, راببىڭ ءۇشىن قۇربان شال!» قايىرىمدىلىق اكتسياسى استانا مەشىتتەرىنىڭ ۇيىمداستىرۋىمەن «التىن تاعا» مال بازارىندا وتكىزىلسە, 4-6 قازان كۇندەر ارالىعىندا بۇل باستاما «قايىرىمدى, ىزگى كىسى – كوگەرەر, ىزگى كىسى – حالىق جۇگىن كوتەرەر» اكتسياسىمەن استاسىپ, ەلوردالىق ءدىن قىزمەتكەرلەرى استانا قالاسى اكىمدىگىمەن بىرلەسە وتىرىپ, قۇرباندىق ەتتەرىن الەۋمەتتىك تۇرمىس-احۋالى تومەن وتباسىلارعا تاراتتى. وندا ماتەريالدىق قاجەتتىلىكتەن بولەك, اسىل ءدىنىمىز يسلام جايىندا كوركەم ۋاعىزدار ايتىلىپ, ءدىني جۋرنالدار تاراتىلدى.
بۇل كۇندەرى مۇڭ-مۇقتاجىن اللانىڭ ۇيىنەن ىزدەگەن جاندارعا ازىق-تۇلىك, كيىم-كەشەك, ماتەريالدىق ءھام رۋحاني كومەك جاساۋ «نۇر استانا» ورتالىق مەشىتىنىڭ ميسسياسىنا اينالعانى دا جاسىرىن ەمەس. «جىل بويىنا قايىرىمدىلىق شارالارىن ۇيىمداستىرىپ, ەلمەن بىرگە كوگەرىپ, جۇرتپەن بىرگە جاسارۋ – ءبىزدىڭ باستى مىندەتىمىز» دەيدى «نۇر استانا» مەشىتىنىڭ نايب يمامى اسحات ءسالىموۆ.
ال, باس يمام ناۋرىزباي قاجى وتپەنوۆ قايىرىمدىلىق شارالارى جىل بويىنا جۇرگىزىلەتىنىن, مۇسىلمان جۇرتشىلىعى ءۇشىن مۇباراك مەرەكەلەردە يگى شارالار لەگى بۇدان دا ارتاتىنىن ايتادى.
جايىق ناعىماش