قازاقستان حالقى اسسامبلەياسىنىڭ كەزەكتى ءححى سەسسياسى استانا قالاسىندا 18 ءساۋىر كۇنى وتەدى. بۇل تۋرالى مەملەكەت باسشىسى نۇرسۇلتان نازارباەۆ ءتيىستى وكىمگە قول قويدى. سەسسيانىڭ كۇن تارتىبىنە «قازاقستان-2050» ستراتەگياسى: بەيبىتشىلىك, رۋحانيات جانە كەلىسىم مادەنيەتى» تاقىرىبى قويىلدى.

قازاقستان رەسپۋبليكاسىنىڭ سىرتقى ىستەر مينيسترلىگى قىرىمدا وتكەن رەفەرەندۋمعا بايلانىستى مالىمدەمە جاسادى. «قازاقستان قىرىمدا وتكەن رەفەرەندۋمدى وسى اۆتونوميالىق رەسپۋبليكا حالقىنىڭ ەركىن ەرىك-جىگەرىن ءبىلدىرۋى رەتىندە قابىلدادى جانە قالىپتاسىپ وتىرعان جاعدايداعى رەسەي فەدەراتسياسىنىڭ شەشىمىنە تۇسىنىستىكپەن قارايدى. قازاقستان ءوزىنىڭ بۇۇ جارعىسىنا سايكەس حالىقارالىق قۇقىقتىڭ ىرگەلى پرينتسيپتەرىن جاقتايتىنىن اتاپ كورسەتەدى. «ءبىز ۋكراينانىڭ داعدارىستان بەيبىت تۇردە شىعۋىن جانە ونى بۇۇ جانە باسقا دا بەدەلدى حالىقارالىق ۇيىمدار قامقورشىلىعىمەن كەلىسسوزدەر ۇدەرىسى جولىمەن ەڭسەرۋىن قالايمىز» دەلىنگەن مالىمدەمە ماتىنىندە.