قر ەكونوميكالىق دامۋ جانە ساۋدا مينيسترلىگىنىڭ مەملەكەتتىك اكتيۆتەردى باسقارۋ ساياساتى دەپارتامەنتىنىڭ باسقارما باستىعى سەرجان الىباەۆ بۇل باعدارلامانىڭ تيىمدىلىگى مەن ۇتىمدىلىعى تۋرالى كەڭىنەن حابار بەردى. «ەگەر كەز كەلگەن ادام تاۋەكەلگە بەل بۋىپ, ەلىمىزدىڭ ءىرى كومپانيالارىنىڭ اكتسيالارىنا يەلىك ەتكىسى كەلسە, وندا ول ءوزىنىڭ قارجىلىق ساۋاتىن كوتەرۋى ءتيىس. اكتسيانىڭ پايداسى مەن كەلەشەكتە اكەلەر كىرىسى تۋرالى ءبىلىپ وتىرۋ ءۇشىن سول كومپانيانىڭ سايتىنان, باسقا دا اقپارات كوزدەرىنەن ونىڭ احۋالى جايىندا ۇنەمى قۇلاعدار بولىپ جۇرگەن ءجون», – دەدى ول ءوزىنىڭ سوزىندە.
ەلىمىزدەگى كوپتەگەن ۇلتتىق كومپانيالاردىڭ اكتسيالارى كەزەڭ-كەزەڭىمەن اشىق ساتىلىمعا شىعىپ, ولاردى حالىقتىڭ قاجەتىنە جاراتۋعا نەگىزدەگەن اتالمىش باعدارلاما بويىنشا كەز كەلگەن ەل ازاماتى ونى ساتىپ الاتىنى ايتىلىپ كەلەدى. كوپتەگەن اقپاراتتىق حابارلامالار مەن اۋديو-بەينە باياندار ءتۇسىرىلىپ, جارنامالىق قاۋقار تولىعىمەن ۇدەدەن شىعىپ وتىرعاندىعىن «سامۇرىق-قازىنا» ۇلتتىق ءال-اۋقات قورى» اق اقپاراتتىق-ساراپتامالىق دەپارتامەنتىنىڭ ديرەكتورى مارات اۋباكىروۆ اتاپ ءوتتى. «حالىقتىق IPO باعدارلاماسى بويىنشا قولىنداعى قاراجاتىن ەپپەن جۇمساعىسى كەلەتىن ازاماتتار قارجى نارىعىنا ساراپتاما جاساۋى ءتيىس. وسى جونىندە ول ساتىپ العان اكتسياسىن كەرى ساتۋىنا بولادى. مەملەكەتتىك قىزمەتتەگى ادامدار دا اكتسيا يەمدەنۋگە تولىق قۇقىلى. ەلباسى ءوزى باستاپ, ەل يگىلىگىن حالىقتىڭ ءوزىنىڭ پايدا كوزىنە اينالدىرۋىن تاپسىرعان بۇل جوبا رەسەيدىڭ مىسالىنداي توقىراۋعا ۇشىرامايتىندىعىن ماماندار دايەكتى دالەلدەرمەن ۇشتاستىردى. قازان ايىنان باستاپ «قازترانسويل» كومپانياسىنىڭ اكتسيالارى ساۋداعا شىعادى. سوعان يەلىك ەتكىسى كەلەتىن ازاماتتار قاپى قالماي, ازىردەن باستاپ قامدانعانى ابزال.
