راقىمشىلىق – كەڭشىلىك ءارى جاۋاپكەرشىلىك

قاڭتار قاسىرەتى تۋرالى ارقيلى اڭگىمە ايتىلاتىنى جاسىرىن ەمەس. «اقيقاتىن اللا بىلەدى» دەسەك تە, قۇقىقتىق قوعامدا بارىنە زاڭ ورىندارى باعا بەردى. ال جازا باسىپ, ارانداپ قالعان جانداردىڭ جاعدايىن كىم ۇعادى؟

پرەزيدەنت ق.توقاەۆ قازاقستان حالقىنا جولداۋىندا وسى شەتىن ماسەلەنى اينالىپ وتپەگەنى دۇرىس بولدى. «بىزگە ەل بىرلىگى اۋاداي قاجەت, – دەدى ول. – ەرەۋىلگە قاتىسقاندار دا, كۇشتىك قۇرىلىم قىز­مەتكەرلەرى دە – ءوز ازاماتتارىمىز. ولار سوت ءادىل وتەدى دەپ قانا ەمەس, قوعام كەشىرىمدى بولادى دەپ ۇمىتتەنىپ وتىر. مەملەكەت قاڭتار وقيعاسىنا قاتىسقان, بىراق اۋىر قىلمىس جاساماعان ازاماتتاردىڭ جازاسىن جەڭىلدەتتى. زاڭ بۇزعانداردىڭ بىرقاتارى كىناسىن ءتۇسىنىپ, وتكەن ىسكە وكىنىپ وتىر. ولارعا كەشىرىممەن قاراعان دۇرىس دەپ ويلايمىن. سوندىقتان مەن قاڭتار وقيعاسىنا قاتىسۋشىلارعا ءبىر رەتتىك راقىمشىلىق جاريالاۋ تۋرالى شەشىم قابىلدادىم».

ءيا, مەيىرىم, كەشىرىم دەگەن قۇندىلىق نەمەسە ادامي يشارات ءجونسىز ۇرىس-كەرىستىڭ, ورىنسىز پالە-جالانىڭ الدىن الۋعا ىقپال ەتەدى. مۇنداي ورەلى شەشىم ادامشىلىققا نەگىزدەلگەن داستۇرىمىزگە دە, كەشىرىمدى بولۋعا شاقىراتىن اتا دىنىمىزگە دە ساي كەلەدى.

بىراق «الماقتىڭ دا سالماعى بار» دەگەندەي, مۇنىڭ ارعى جاعىندا قوعام جاۋاپكەرشىلىگى ارتا ءتۇسۋى قاجەت. «جاڭا قازاقستان» مۇنى تەرەڭ تۇسىنەدى دەپ ويلايمىز.

دارحان مىڭباي,

ءماجىلىس دەپۋتاتى