ءبىلىم سالاسى مەملەكەت باسشىسىنىڭ ۇنەمى باستى نازارىندا. جولداۋدا كوپتەگەن يگى باستامالار ايتىلدى, قر وقۋ-اعارتۋ مينيسترلىگىنە بىرقاتار تاپسىرما بەرىلدى. تاربيەشىلەردىڭ ايلىعىن كوتەرۋ ماسەلەسى ولارعا قويىلاتىن تالاپپەن بىرگە ارتادى. سونداي-اق ول بالاباقشا تاربيەشىلەرىنىڭ ايلىعىن كوتەرە ءتۇسۋ – ۋاقىت تالابىنان تۋىنداپ وتىرعان ماسەلە ەكەندىگىن اتادى.
مەملەكەت باسشىسى ۇستاز مارتەبەسى, ولاردىڭ جالاقىسى تۋرالى ءاردايىم ايتىپ كەلەدى. 2023 جىلعى قاڭتاردان باستاپ مۇعالىمدەردىڭ ايلىعى 25 پايىزعا كوتەرىلەدى دەگەن تاپسىرماسى تاعى بار. وعان بۇگىن مەملەكەت باسشىسى تاربيەشىلەردىڭ ەڭبەكاقىسىن كوتەرىپ, جۇكتەمەسىن ازايتۋ قاجەتتىگىن ايتتى. بۇل – ورىندى باستاما. ويتكەنى ۇستازدارعا قاراعاندا تاربيەشىلەردىڭ جالاقىسى وتە از, بۇلدىرشىندەرگە لايىقتى ءتالىم بەرۋى ءۇشىن ولاردى ماتەريالدىق جاعىنان قولداۋ اسا قاجەت. پەداگوگتاردى اتتەستاتتاۋ جانە اككرەديتتەۋ بويىنشا جۇمىس تا جالعاسىن تابادى. الداعى ۋاقىتتا مەكتەپكە دەيىنگى ءبىلىم بەرۋ ۇيىمدارىندا دا وسىنداي جۇمىس جۇرگىزۋ تۋرالى تاپسىرما بەرىلگەنى بەلگىلى. بۇل – شىن مانىندە حالىقارالىق تاجىريبەدە بار نارسە.
جالپى تاربيەشىلەردى اتتەستاتتاۋ, مۇعالىمدەردى اكررەديتتەۋ جانە سەرتيفيكاتتاۋ, «قولايلى مەكتەپ» جوباسى تۋرالى پرەزيدەنت تاپسىرمالارى بويىنشا مىندەتتى تۇردە جۇيەلى, ۇزدىكسىز جۇمىس جۇرگىزۋ قاجەت. سونداي-اق مەملەكەت باسشىسىنىڭ قازاقستان حالقىنا جولداۋىنداعى 2025 جىلى ءۇش اۋىسىمدى جانە اپاتتى جاعدايداعى مەكتەپتەر پروبلەماسى تولىعىمەن شەشىلەتىندىگى قۋانتادى.
ءلاززات رازبەكوۆا,
نۇر-سۇلتان تەحنولوگيالىق كوللەدجىنىڭ ديرەكتورى,
قالالىق ءماسليحاتتىڭ دەپۋتاتى
