استانانىڭ وڭ جاعالاۋىندا ورنالاسقان ماحامبەت وتەمىسۇلى اتىنداعى وقۋشىلار سارايى 1988 جىلى پايدالانۋعا بەرىلىپتى. تسەلينوگراد قالاسىنداعى شاكىرتتەرگە ارنالعان العاشقى ءساندى عيماراتتىڭ تەز ارادا يگىلىككە اسۋىنا قالا تۇرعىندارى توبەسى كوككە جەتكەندەي شاتتانا قۋانىپتى. ولاي بولاتىن دا ءجونى بار ەدى. ويتكەنى مۇندا بىردەن 20 كوركەمونەرپازدار مەن 40 قولونەر شەبەرلەرىنىڭ ۇيىرمەسى بىردەن جۇمىسقا كىرىسىپ, شاھاردىڭ مادەني ومىرىنە ۇلكەن سىلكىنىس اكەلگەن.
– وقۋشىلار سارايى مىڭداعان ءبۇلدىرشىن مەن جەتكىنشەكتىڭ ەكىنشى ۇيىنە اينالدى. بالالارمەن بىرگە ءوزىمىز دە مۇندا كەلىپ, شاكىرتتەردىڭ ىستەگەن جۇمىستارىمەن تانىساتىن ەدىك. كوپتەگەن اتا-انا بۇل مەكەمەدەن وزىنە جۇمىس تا تاۋىپ جاتتى. استانا ارقا توسىنە قونىس اۋدارىپ, زامان تالابىنا ساي جاڭا وقۋشىلار سارايى پايدالانۋعا بەرىلگەنگە دەيىن مۇندا اۋقىمدى-اۋقىمدى ءىس-شارالار ءوتىپ تۇردى, – دەپ ەسىنە الادى بايىرعى قالا تۇرعىنى ۆاسيلي توسكين.
2001 جىلدان باستاپ وقۋشىلار سارايىنىڭ الدىندا پرەزيدەنت شىرشاسى قويىلىپ, جاڭا جىلدىق بال كەشى ءوتىپ كەلدى. ءتىپتى شەنەۋنىكتەر ۇلكەن شىرشاعا «كولەڭكەسىن تۇسىرەدى» دەپ سارايدىڭ «دالا ۇستىندەگى كۇن شاپاعى» اتالاتىن ونىڭ الىپ كۇمبەز كومپوزيتسياسىن وزگەرتكىسى كەلگەن كەزدەرى دە بولعان. الايدا قالا حالقىنىڭ ارالاسۋىمەن كەيبىر ادامداردىڭ ول ويى جۇزەگە اسپاي قالىپتى.
ەركە ەسىلدىڭ جاعاسىندا ساۋلەتى كەلىسكەن سول وقۋشىلار سارايى بۇگىن دە كوپشىلىككە قالتقىسىز قىزمەت كورسەتىپ كەلەدى.
سۋرەتتە ماحامبەت وتەمىسۇلى اتىنداعى وقۋشىلار سارايى.
عازيزا يساحان
سۋرەت استانا قالاسىنىڭ ارحيۆ قورىنان الىندى.
