5-8 شىلدە ارالىعىندا «بايتەرەك» مونۋمەنتى الاڭىندا «شاتتىق» حالىقارالىق جاس تالانتتار فەستيۆالى ءوتتى.
استانانىڭ 15 جىلدىعىنا وراي ۇيىمداستىرىلعان بۇل شارانىڭ ماقسا-تى بالالاردىڭ ەستەتيكالىق تاربيەسى-نە ءمان بەرۋ ءارى جاس ونەرپازداردىڭ رەپەرتۋارىن جاڭارتۋ ەدى. فەستيۆالدا 5-18 جاس ارالىعىنداعى جەتكىنشەكتەر «ۆوكال», «حورەوگرافيا», «فولكلور», «اسپاپتىق جانر», «بالالار ءسان تەاترى», «ەرەكشە جانر» اتالىمدارى بويىنشا ونەرلەرىن ورتاعا سالدى.
استانا قالاسى اكىمدىگىنىڭ قول-داۋىمەن شارانى ۇيىمداستىرعان «بوزتورعاي» حالىقارالىق قوعامدىق قورىنىڭ ديرەكتورى قارلىعاش ابدىكارىموۆانىڭ ايتۋىنشا, تۇراقتى وتكىزىلەتىن فەستيۆال تالانتتاردىڭ ۇستاحاناسىنا اينالدى. وعان ەلىمىزدىڭ ءار ايماعىنان, جاقىن جانە الىس شەت ەلدەردەن ۇمىتكەرلەر كەلىپ قاتىسادى. جالپى سانى 350-گە جۋىق ونەرپاز جەتكىنشەكتىڭ اراسىندا بولگاريا, تۇركيا, قىتاي, تاجىكستان, رەسەي فەدەراتسياسى, گرۋزيا, بەلارۋس, لاتۆيا, قىرعىزستان, باشقۇرتستاننىڭ جاس دارىندارى بار. سايىستىڭ شارتى بويىنشا ءاربىر ۇجىمعا ونەر كورسەتۋگە 30 مينۋت ۋاقىت بەرىلسە, جەكە ورىنداۋشىلارعا 12 مينۋتتىق ۋاقىت شەكتەلگەن.
بايقاۋعا كەڭەس وداعىنىڭ حالىق ءارتىسى, سوتسياليستىك ەڭبەك ەرى ب.تولەگەنوۆا, «قۇرمەت» بەلگىسىنىڭ يەگەرى, كومپوزيتور ك.دۇيسەكەەۆ, قازاقستاننىڭ حالىق ءارتىسى ب.ايۋحانوۆ, بەلگىلى پروديۋسەر ن.تەكەليەۆ, قازاقستاننىڭ حالىق ءارتىسى ق.بايبوسىنوۆ سىندى ونەر تارلاندارى قازىلىق ەتتى.
ايگەرىم بالعاباەۆا,
ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ
2-كۋرس ستۋدەنتى
