جەڭىس مەرەكەسى – اعا بۋىن اعالار مەن اتالارىمىزدىڭ ەلىنىڭ ازاتتىعى ءۇشىن, وسكەلەڭ ۇرپاقتىڭ باقىتى ءۇشىن كۇرەسكەن قاستەرلى كۇن.
وتان ءۇشىن وت كەشكەن قادىرلى قاريالارىمىزدىڭ قاتارى ۋاقىت وزعان سايىن ازايىپ بارا جاتقانى وكىنىشتى. ءبىز جاۋىنگەر ارداگەرلەرىمىزدىڭ قۇرمەتىنە جەڭىستىڭ 68 جىلدىعىن ولارعا لايىق دەڭگەيدە اتاپ ءوتۋىمىز كەرەك. ويتكەنى بۇل – ەرلىك پەن ەلدىكتىڭ, باتىرلىق پەن وجەتتىكتىڭ مەيرامى.
قازاقستاننان قان مايدانعا اتتانعان ەر جۇرەك ۇل-قىزدار ءفاشيزمدى جەڭۋ جولىندا اسقان ەرلىك كورسەتىپ, جەڭىستى جاقىنداتۋعا ۇلكەن ۇلەس قوستى. جاۋىنگەرلىكتىڭ بيىك ۇلگىسىن كورسەتە بىلگەن ارداقتى ارداگەرلەرىمىز بارلىق مايداندا دا جان اياماي كۇرەستى. ولاردىڭ ارتىندا قالعان وتباسى اتپال ازاماتتارىنىڭ جەڭىسكە جەتەتىنىنە سەندى جانە سول قاسيەتتى كۇندى اسقان شىدامدىلىقپەن كۇتتى.
قازاقستاندىق ءجۇز مىڭداعان وتانداسىمىز ەلدىڭ سول سەنىمىن اقتاپ, ەرلىكتىڭ ەرەن ۇلگىسىن كورسەتتى. ولاردىڭ ءبارى دە كەۋدەلەرىنە وردەن, مەدالداردى جارقىراتا تاعىپ, وتانىنا ابىروي اكەلدى. سوعىسقا قاتىسقان 500-گە جۋىق جاۋىنگەر «كەڭەس وداعىنىڭ باتىرى» اتاعىن الدى. باۋىرجان مومىشۇلى, ءاليا مولداعۇلوۆا, تالعات بيگەلدينوۆ, ءمانشۇك مامەتوۆا, يبراگيم سۇلەيمەنوۆ, سۇلتان بايعامبەتوۆ سىندى كوپتەگەن باتىر تۇلعالاردىڭ ەسىمى ەلىمىزدىڭ جۇرەگىندە ماڭگى ساقتالادى. وسىنداي ەسىل ازاماتتاردىڭ ارقاسىندا جەڭىس تۋى جەلبىرەگەنىن كەيىنگى ۇرپاق ەشقاشان ۇمىتپايدى.
ەلباسى نۇرسۇلتان نازارباەۆ سوعىس ارداگەرلەرىنە ەرەكشە قامقورلىق كورسەتىپ كەلەدى. بيىل ءبىز جەڭىستىڭ 68 جىلدىعىن اتاپ وتەمىز. بۇل – ءسىز بەن ءبىزدىڭ ورتاق تاريحىمىز. وسىناۋ ەرلىك مەيرامىنا دايىندالۋ – ارداگەرلەر كەڭەسى ءۇشىن ۇلكەن مارتەبە. كۇللى ادامزاتقا قاۋىپ توندىرگەن سۇم سوعىستىڭ زاردابىن تارتىپ, وتانى ءۇشىن جان الىسىپ, جان بەرىسكەن ارداقتى ارداگەرلەرىمىزدى قۇرمەتتەۋ, سولارعا ارناپ مەرەكە وتكىزۋگە دايىندالۋ بىزگە تەك قانا قۋانىش سىيلايدى.
ارداگەرلەر كەڭەسى ەسىل اۋدانى اكىمدىگىمەن بىرلەسىپ, كوپتەگەن شارالاردى قولعا الدىق. مۇنداي مەرەكەلەر تەك جەڭىس كۇنىندە عانا ەمەس, جىل بويى دا جالعاسىن تاباتىن بولادى. ءبىز بىردە ءبىر سوعىس ارداگەرى نازاردان تىس قالماي, ءبارىنە ءبىردەي قۇرمەت كورسەتىلۋىنە ەرەكشە ءمان بەرەمىز.
سوعىس ارداگەرلەرى مەن تىل ەڭبەككەرلەرىن ۇلى جەڭىس مەرەكەسىمەن قۇتتىقتاي كەلە, ولارعا مىقتى دەنساۋلىق, ۇزاق عۇمىر, باقىتتى ساتتەرىنىڭ كوپ بولۋىن تىلەيمىز.
ءبىز سىزدەرگە قارىزدارمىز!
سىزدەرگە مىڭ تاعزىم, قۇرمەتتى مايدانگەرلەر!
رىستى اتىعاەۆا,
ەسىل اۋداندىق ارداگەرلەر
كەڭەسىنىڭ توراعاسى
