«استانا» ترياتلون-پاركىندە 5 كم قاشىقتىقتا «وليمپيادا ويىندارىنا دەيىن 100 كۇن» جاپپاي جۇگىرۋ ءوتتى, دەپ حابارلايدى astana-akshamy.kz
ءىس-شارانى ۇيىمداستىرۋشى – ەلوردانىڭ دەنە شىنىقتىرۋ جانە سپورت باسقارماسىنىڭ سپورتتىق-بۇقارالىق ءىس-شارالاردى وتكىزۋ ديرەكتسياسى.
جاپپاي جارىسقا قالا تۇرعىندارى مەن قوناقتارى جاس شەكتەۋلەرىنسىز قاتىستى.
جارىسقا قاتىسۋشىلاردىڭ ءبىرى, كاسىپكەر بولات قابىكەنوۆ سپورتتىق ءىس-شارادان العان اسەرىمەن ءبولىستى.
«مەن سپورتقا وتە جاقىنمىن, سوندىقتان ەلوردادا وسىنداي جارىستار ۇيىمداستىرىلعانىنا وتە قۋانىشتىمىن. سپورتپەن شۇعىلدانۋعا مۇمكىندىك بەرگەنى ءۇشىن اكىمدىككە العىسىمدى بىلدىرگىم كەلەدى. جارىستى ۇيىمداستىرۋ تەك جوعارى دەڭگەيدە, بارلىعى ۋاقىتىندا باستالدى, قاتىسۋشىلاردا كوتەرىڭكى كوڭىل-كۇيدە, ويتكەنى جەڭىمپازداردى ەستەلىك سىيلىقتار كۇتەدى. مەن ارقاشان سپورتتىق جارىستارعا قۋانا قاتىسامىن, ويتكەنى جاقسى دەنە شىنىقتىرۋ مەن دەنساۋلىقتى ساقتاۋ ءبىزدىڭ قولىمىزدا», – دەدى قالالىق جارىسقا قاتىسۋشى.
ۇيىمداستىرۋشىلاردىڭ ايتۋىنشا, بۇگىنگى جارىس الداعى پاريج وليمپياداسىنا ورايلاستىرىلعان.
ء«ىس-شاراعا قالا تۇرعىندارى مەن ەلوردا قوناقتارى قاتىسىپ, بەس شاقىرىم قاشىقتىقتى ەڭسەرە الدى. تىركەلۋ كەزىندە قاتىسۋشىلار لوتەرەيا بيلەتتەرىن الدى, ولار ۆەلوسيپەد, قورعانىس شلياپاسى جانە سۋ مەن سۋسىن بوتەلكەلەرى سياقتى باعالى سىيلىقتارعا يە بولدى. ساحنانىڭ جانىندا ارمرەسلينگ, ارقان تارتۋ جانە گىر سپورتى بويىنشا جارىستار ءوتتى. سونداي-اق دەمەۋشىلەرىمىزدەن جۇلدە رەتىندە ارنايى سپورتتىق كيىمدەر توپتاماسى ۇسىنىلدى»,-دەدى ەلوردالىق دەنە شىنىقتىرۋ جانە سپورت باسقارماسىنىڭ سپورتتىق-بۇقارالىق ءىس-شارالاردى جوسپارلاۋ جونىندەگى مەنەدجەرى توميريس سمايىلوۆا.
مۇنداي بۇقارالىق ءىس-شارالار جىل سايىن ەلوردادا سالاۋاتتى ءومىر سالتىن ناسيحاتتاۋ جانە قالا تۇرعىندارىنىڭ سپورتتىق الەۋەتىن اشۋ ماقساتىندا وتكىزىلەدى.
