ەلوردادا قۇرىلىسى ۇزاققا سوزىلعان تۇرعىن ۇيلەردىڭ پروبلەماسى قالاي شەشىلىپ جاتىر؟ بۇل تۋرالى كەشە وتكەن ۇكىمەت وتىرىسىندا استانا قالاسىنىڭ اكىمى جەڭىس قاسىمبەك ايتىپ بەردى, دەپ حابارلايدى astana-akshamy.kz
جيىندا ونەركاسىپ جانە قۇرىلىس ءمينيسترى قانات شارلاپاەۆتىڭ, بىرقاتار وڭىرلەردىڭ اكىمدەرىنىڭ الدانعان ۇلەسكەرلەرمەن جۇمىس, زاڭسىز قۇرىلىسپەن كۇرەس, ينجەنەرلىك جەلىلەردى جۇرگىزۋگە بولىنگەن قارجىنىڭ يگەرىلۋى تۋرالى باياندامالارى تىڭدالدى.
«بىرىنشىدەن, تۇرعىن ءۇي قۇرىلىسى جونىندەگى ۆەدومستۆوارالىق كوميسسيا, ۇلەسكەرلەر مەن قۇقىق قورعاۋ ورگاندارىنىڭ قاتىسۋىمەن جۇيەلى كەزدەسۋلەر وتكىزۋدەمىز. بۇل تۋىنداعان ماسەلەلەردى جەدەل شەشۋگە مۇمكىندىك بەرەدى جانە سالىمشىلاردىڭ اراسىندا الەۋمەتتىك شيەلەنىسكە جول بەرمەيدى. ەكىنشىدەن, قۇرىلىس كومپانيالارىنا تەحنيكالىق جانە قارجىلىق اۋديت جۇرگىزۋگە, جوبالىق قۇجاتتامانى سايكەستەندىرۋگە, ينجەنەرلىك جەلىلەردى سالۋ مەن قوسۋدا تولىق كومەك كورسەتۋدەمىز», – دەدى جەڭىس قاسىمبەك ۇكىمەت وتىرىسىندا.
سونداي-اق, ەلوردا اكىمى پروبلەمالى تۇرعىن ۇيلەردىڭ قۇرىلىسىن اياقتاۋ ءۇشىن ءىرى ينۆەستورلاردى تارتىپ جاتقانىن ايتتى.
«سالىنىپ جاتقان تۇرعىن ۇيلەردىڭ قۇرىلىس جۇمىستارى كۇندەلىكتى باقىلاۋدا», – دەدى جەڭىس قاسىمبەك.
بۇعان دەيىن استانا اكىمى پروبلەمالى نىسان سالىمشىلارىنىڭ 90% باسپانالى بولعانىن, قالعان سالىمشىلار ماۋسىمنىڭ سوڭىنا دەيىن پاتەر كىلتىن الاتىنىنىن ايتقان ەدى.
