2024 جىلدىڭ 18 اقپانىندا استانا قالاسىنىڭ وقۋشىلارى اراسىندا استانا قالاسى ءبىلىم باسقارماسى مەن ادىستەمەلىك ورتالىعىنىڭ قولداۋىمەن №43 قوسىمشا ءبىلىم بەرۋ مەكتەپ -ورتالىعىندا «ۇلى دالانىڭ ۇلى تۇلعالارىنىڭ مۇرالارى» اتتى رەسپۋبليكالىق كونفەرەنتسياسى ءوتتى.
رەسپۋبليكالىق كونفەرەنتسيانىڭ ماقساتى: 2023-2024 جىلى مەرەيتويلارى اتاپ وتىلەتىن ۇلى تۇلعالار – بۇقار جىراۋ قالقامانۇلى (355 جىل), ءماشھۇر ءجۇسىپ كوپەيۇلى (165 جىل), جۇسىپبەك ايماۋىتوۆ (135 جىل), ءىلياس جانسۇگىروۆ (130 جىل), ساكەن سەيفۋللين (130 جىل), قانىش يمانتايۇلى ساتباەۆ (125 جىل), الكەي حاقانۇلى مارعۇلان (120 جىل), ءابىلحان قاستەەۆ (120 جىل), بەردىبەك سوقپاقباەۆ (100 جىل) مۇرالارىن وسكەلەڭ ۇرپاققا ناسيحاتتاۋ ارقىلى ءححى عاسىردىڭ ءبىلىم ەكونوميكاسىنىڭ دامۋىنا, عىلىمي الەۋەتتىڭ ساقتالۋىنا, وسۋىنە ىقپال ەتۋ جانە پەداگوگتەردىڭ ءىس-تاجىريبەلەرىن رەسپۋبليكاعا تاراتۋ ماقساتىنا وتكىزىلدى.
رەسپۋبليكالىق كونفەرەنتسياعا استانا قالاسىنىڭ, اقمولا وبلىسى مەن قاراعاندى وبلىسىنىڭ ءبىلىم ۇيىمدارىمەن قوسىمشا ءبىلىم بەرۋ ۇيىمدارىنىڭ پەداگوگيكالىق قىزمەتكەرلەرى جانە وقۋشىلارى قاتىستى.
كونفەرەنتسيا «جەر -انا» مونولوگىنا قۇرىلعان بەينەسيۋجەتپەن, «قازاق تاريحىندا ەسىمدەرى قالعان انالار» كومپوزيتسياسىمەن اشىلدى.
رەسپۋبليكالىق كونفەرەنتسيا بەس سەكتسيانى قامتىدى:
«ۇلى دالانىڭ ۇلى تۇلعالارىنىڭ مۇراسى» – عىلىم باعىتى;
«ۇلى دالا دانالىعى» – تاربيە باعىتى;
«ۇلى دالا ويىندارى» – اسىق اتۋ جارىسى;
«روبو-ارقان تارتىس» – روبوتوتەحنيكا;
«ەكkoboom» -ەكولوگيالىق باعىت.
TED فورماتىندا وتكەن پلەنارلىق وتىرىسقا قاراعاندى قالاسى قاراعاندى ۋنيۆەرسيتەتى فيولوگيا عىلىمدارىنىڭ كانديدانتى دوتسەنت جۇماعۇل ايتباي بوتبايۇلى; ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ پروفەسسورى, قر عجبم مەملەكەت تاريحى ينستيتۋتىنىڭ تاريح جانە قوعامدىق عىلىمدار اكادەمياسىنىڭ اكادەميگى, تاريح عىلىمدارىنىڭ دوكتورى الپىسبەس ماحسات الپىسبەسۇلى; اقمولا وبلىسى, ساندىقتاۋ اۋدانى, مادەنيەت ورتا مەكتەبىنىڭ تاريح ءپانى مۇعالىمى كابيدولدين كۋانىش تلەۋحانوۆيچ; استانا قالاسىنىڭ اكەلەر قاۋىمداستىعىنىڭ توراعاسى كۇزەمباي بەكدايىر نىعمەتۇلى; «جاس ۇلان» بىرىڭعاي بالالار مەن جاسوسپىرىمدەر ۇيىمى» رەسپۋبليكالىق قوعامدىق بىرلەستىگىنىڭ جوبالار جەتەكشىسى امانجولوۆا ايدا قاناتقىزى; سىرباي ماۋلەنوۆ اتىنداعى №37 مەكتەپ-ليتسەيىنىڭ 8-سىنىپ وقۋشىسى اليمولدا ارمان – اتالمىش مەرەيتويەلەرىنىڭ ءومىرباياندارىنا توقتالىپ, ءىس -تاجىريبەلەرىمەن ءبولىستى.
پلەنارلىق وتىرىستىڭ مودەراتورى «№43 قوسىمشا ءبىلىم بەرۋ مەكتەپ -ورتالىعىنىڭ» ديرەكتورى نۇرتاس قۇرمانعاليۇلى جۇرگىزىپ وتىردى.
ءىس -شارا بارىسىندا مەكتەپ الاڭىنا كەلگەن قوناقتارمەن بىرگە اعاش وتىرعىزىلدى.
باعىتتار بويىنشا سەكتسيا جۇمىسى جۇرگىزىلىپ, ءبىلىم ۇيىمدارىنىڭ ۇستازدارى باياندامالار وقىپ, ءىس -تاجىريبەلەرىمەن ءبولىستى.
مەكتەپ وقۋشىلارى ارسىندا وتكەن «روبو -ارقان تارتىس» – روبوتوتەحنيكا جانە «ەكkoboom» -ەكولوگيالىق باعىتىنداعى جارىستىڭ جەڭىمپازدارىنا جۇلدەلى ورىندار ءۇشىن ديپلومدار مەن ماراپاتتالىپ, قاتىسقاندارى ءۇشىن سەرتيفيكاتتار تاراتىلدى.
قاراعاندى وبلىسىنان ارنايى كەلگەن امانتاي اكيشەۆ ءوز ونەر تۋىندىسىنان كورمە ۇيىمداستىردى. سونىمەن قاتار, كىتاپ, سۋرەت كورمەسى ۇيىمداستىرىلدى.
مەكتەپ الاڭىنا كيىز ءۇي قۇرىلىپ, جوبالار كورمەسى قويىلدى. مەكتەپتىڭ قوسىمشا ءبىلىم بەرۋ ۇيىرمەسىنىڭ وقۋشىلارى ءوز ونەرلەرىن پاش ەتتى.
