تۇڭعىش پرەزيدەنت كۇنى قارساڭىندا نۇر-سۇلتان قالاسى بايقوڭىر اۋدانىنىڭ اكىمدىگى ءتۇرلى سالادا قىزمەت ەتىپ, ەلگە ەڭبەگى سىڭگەن مامانداردى ماراپاتتادى.
«بۇگىنگى مەرەكەلىك ءىس-شاراعا اۋدان تۇرعىندارى مەن الەۋمەتتىك سالا قىزمەتكەرلەرىن شاقىردىق. ونداعى ماقسات – ەلوردامىزدىڭ, ونىڭ ىشىندە اۋدانىمىزدىڭ دامۋىنا ۇلەس قوسقان ازاماتتارعا مەرەكە قارساڭىندا قۇرمەت كورسەتۋ. ماراپاتتالۋشىلاردىڭ قاتارىندا اكىمدىك قىزمەتكەرلەرى, سونىمەن قاتار ءبىلىم, دەنساۋلىق, مادەنيەت, پيك سالاسىنىڭ ماماندارى مەن تازالىق, اباتتاندىرۋ ءىسىنىڭ جۇمىسشىلارى بار» دەدى سالتاناتتى راسىمدە بايقوڭىر اۋدانىڭ اكىمدىگى الەۋمەتتىك سالا ءبولىمىنىڭ باس مامانى اسەل ومىرباەۆا.
مەرەكەلىك شاراعا نۇر-سۇلتان قالاسى بايقوڭىر اۋدانىنىڭ اكىمى ەرلان جاۋلىباەۆ, قۇرىلىمدىق بولىمشەلەردىڭ وكىلدەرى, قوعام قايراتكەرلەرى, قۇرمەتتى ازاماتتار مەن قالا تۇرعىندارى قاتىستى.
«دارا تۇلعا, دانا تۇلعا ەلباسى» اتتى مەرەكەلىك شارا قر ۇلتتىق ۇلانى ءان-بي ءانسامبلىنىڭ كونتسەرتىنە ۇلاستى.
