استانا قالاسى اكىمدىگىنىڭ «تۇرعىن ءۇي قورى» مەكەمەسى ساتىپ الۋ قۇقىعىمەن جالدامالى پاتەرلەردى الۋ بويىنشا قوسىمشا بايقاۋ 27 اقپان-3 ناۋرىز ارالىعىندا وتەتىنىن حابارلادى.
تۇرعىن ءۇي قورى بۇرىن جاريالانعان بايقاۋ بويىنشا كەزەكتە تۇرعان ازاماتتاردان قوسىمشا ءوتىنىش قابىلدايدى.
سارىارقا اۋدانىنىڭ كوكتال ىقشام اۋدانى, 12-95 كوشەسى, 12/1 ۇيدە ورنالاسقان جالدامالى پاتەرلەر سانى – 50. ولاردىڭ جيىرماسى – 1, جيىرما ەكىسى – 2, سەگىزى – 3 بولمەلى پاتەر.
جالدامالى پاتەردى الۋ ءۇشىن باستاپقى جارنا تالاپ ەتىلمەيدى, ال ءبىر شارشى مەتردى جالداۋ قۇنى – 1455 تەڭگە. پاتەر 20 جىلعا دەيىنگى مەرزىمگە جالعا بەرىلەدى. تۇرعىن ءۇي جالعا الۋ مەرزىمى وتكەننەن كەيىن جالعا الۋشىنىڭ مەنشىگىنە وتەدى.
ءوتىنىشتى «تۇرعىن ءۇي قورى» كمم سايتىندا بەرۋگە بولادى.
باعدارلاماعا تۇرعىن ءۇي كەزەگىندە تۇرعان كەلەسى ازاماتتار قاتىسا الادى:
* ءبىلىم بەرۋ; دەنساۋلىق ساقتاۋ; مادەنيەت سالاسىنىڭ قىزمەتكەرلەرى;
* الەۋمەتتىك قورعاۋ سالاسىنىڭ; پوليتسيا دەپارتامەنتىنىڭ; توتەنشە جاعدايلار دەپارتامەنتىنىڭ قىزمەتكەرلەرى.
