جاڭا ەكسپرەسس باعدارلار اشىلدى
20-21 قاراشا كۇندەرى قالا ماڭىنداعى ەلدى مەكەن تۇرعىندارىنا ىڭعايلى بولۋ ءۇشىن №53, 54 ەكسپرەسس-باعدارلار اشىلدى.
اتاپ ايتساق, №53 باعدار تەمىر جول ۆوكزالى مەن اۋەجاي اراسىندا قاتىنايدى. ارالىق ايالدامالار: ك.بايسەيىتوۆا اتىنداعى وپەرا جانە بالەت تەاترى – قازاق ونەر ۋنيۆەرسيتەتى (مۋزاكادەميا) – بتا بانكى – سامال ش.ا. – اتاتۇرىك ساياباعى – مينيسترلىكتەر ءۇيى – قتج باس كەڭسەسى – كارديوحيۋرگيالىق كلينيكا («ازيا پارك» وسو) – «استانا-ارەنا» – نازارباەۆ ۋنيۆەرسيتەتى – پريگورودنىي تۇرعىن الابى.
ال, تاعى سونداي جايلى دا ءجۇردەك اۆتوبۋستان جاساقتالعان №54 ەكسپرەسس-باعدار گرادكومپلەكس پەن جىبەك جولى تۇرعىن الابىنداعى جولدى جالعايدى. ارالىق ايالدامالار: № 67 ورتا مەكتەپ – № 65 ورتا مەكتەپ – «حابار» اگەنتتىگى – «كونگرەسس-حولل» سارايى – «استاناتەلەكوم» قتو كەڭسەسى – «سپۋتنيك» سۋپەرماركەتى – «جىبەك جولى» ءسۇ – №2 بالالار ەمحاناسى – «ينتەرناتسيونالنىي» ت.ا. – «ميچۋرينو» ت.ا. – «كۇيگەنجار» ت.ا. – «جىبەك جولى» ت.ا. («ۇلىتاۋ» دۇكەنى – «باۋىرىم» دۇكەنى – «گۇلزادا» دۇكەنى – «دوستىق» دۇكەنى – ورتا مەكتەپ).
جول ءجۇرۋ قۇنى ەرەسەكتەرگە – 120 تەڭگە, بالالارعا – 60 تەڭگە. جالپى, بالالار ءۇشىن جانە جەڭىلدىگى بار جول ءجۇرۋ بيلەتتەرى 2014 جىلدىڭ 1 جەلتوقسانىنان باستاپ جارامسىز دەپ تانىلادى. ال, بۇرىن-سوڭدى جولى ۇزاق بوپ كەلگەن №9 باعدار بۇگىننەن باستاپ تەك «ينتەرناتسيونالنىي» تۇرعىن الابىنا دەيىن جۇرەتىن بولادى.