جاستار تەاترى قاي تۇلعانىڭ اتىنا لايىق؟

جۋىردا گازەتىمىزگە استانا قالاسىنىڭ ونوماستيكالىق كوميسسياسىنا جاستار تەاترىن مەملەكەت جانە قوعام قايراتكەرى جۇمابەك تاشەنوۆتىڭ اتىنا بەرۋ تۋرالى ۇسىنىس كەلىپ تۇسكەنىن جازىپ, بۇل ۇسىنىسقا قاتىستى ونەر جاناشىرلارىنىڭ پىكىرىن جاريالاعانبىز. ءوز تاراپىمىزدان تەاترعا قازاقتىڭ بۇلبۇل ءانشىسى كۇلاش بايسەيىتوۆانىڭ اتى لايىق دەگەن جەكە پىكىرىمىزدى قوسقانبىز. ماقالا شىققان سوڭ اتالمىش ماسەلە الەۋمەتتىك جەلىدە تالقىعا ءتۇستى. فەيسبۋك قولدانۋشىلارىنىڭ سونداعى ويلارىن گازەتكە جاريالاعاندى ءجون كوردىك.

سادىبەك تۇگەل:
– جۇمابەك تاشەنوۆ ءىرى مەملەكەت جانە ۇلت قايراتكەرى, ۇلت باتىرى بولىپ سانالادى. جۇمەكەڭ – وت بولىپ جانىپ, كوسسىز ەرلىكپەن قازاق جەرىنىڭ تۇتاستىعىن ساقتاپ قالعان تۇلعا. وسى تۇرعىدان العاندا مەنىڭ ۇسىنىسىم – استانادا اشىلاتىن ءتورتىنشى اۋدانعا جۇمابەك تاشەنوۆتىڭ اتىن بەرۋ قاجەت. ال جاستار تەاترىنا ونەر, تەاتر, مادەنيەت, پروزا, پوەزيا سالالارىنا قاتىسى بار, ومىردەن وتكەن اتاقتى ارتىستەر, دارىندى دراماتۋرگتەر مەن اقىن-جازۋشىلاردىڭ اتىن بەرگەن ءجون دەپ سانايمىن.

سايا قاسىمبەك:
– وزبەكالى اتامىزدىڭ اتىن ۇلتتىق مۇراجايعا بەرسە يگى بولار ەدى, ۇلت مۇراسىن تىرنەكتەپ جينادى ەمەس پە؟ ارينە, تەاتر­دىڭ اتاۋىنا لايىقتى ەسىم. دەسە دە, تاقىر جەردەن جاستار تەاترىن اشىپ, ىرگەتاسىن قالاپ, از ۋاقىتتا الدىڭعى قاتارعا جەتەلەگەن, جۋىردا 70 جاسقا تولعالى وتىرعان نۇرقانات جاقىپباي اعامىزدىڭ اتىن بەرسە جاراسادى. كۇلاش اپامىزدىڭ اتىن وپەرا تەاترىنا قايتا ورالتقانى ءجون. وپەرا تەاترى تۇرعاندا, نەگە اتاۋىن قايتارماسقا؟

تولەگەن ءادىلوۆ:

– تəشەنوۆتىڭ اتىنا ويىپ تۇرىپ قالانىڭ اتىن بەرۋ كەرەك. كەشەگى باتىرلار اق نايزانىڭ ۇشىمەن, اق بىلەكتىڭ كۇشىمەن جەر قورعاسا, قىلىشىنان قان تامىپ تۇرعان قىزىل يمپەرياعا جالعىز ءوزى قارسى شىعىپ, قازاقتىڭ جارتىسىنا تەڭ جەرىن قورعاپ قالعان تəشەنوۆ بولاتىن. تəشەنوۆتىڭ ەسىمىن قالاي ۇلىقتاساق تا ارتىق ەمەس.

نۇرحان مىڭباەۆ:
– جۇمابەك اعانىڭ اتىنا نە بەرسە دە لايىق! بىراق بۇل جەردە ساحنا ونەرىنىڭ العاشقى شىن مانىندەگى جۇلدىزى
كۇلاش اپامىزدىڭ ەسىمى جاڭعىرسا دۇرىس بولار ەدى.

جانعالي ءجۇزباي:
– تەاتردىڭ كۇلاش بايسەيىتوۆا اتىندا بولعانى دۇرىس. سەبەبى ول كىسى قازاق تەاترى تاريحىندا تۇڭعىش رەت كسرو حالىق ءارتىسى اتاعىن العان.

وتاركۇل مۇقاتوۆا:
– مەنىڭشە, وزبەكəلى جəنىبەكوۆ اتىنداعى تەاتر بولسا, قازاق حالقى ريزا بولار دەپ ويلايمىن. قازاق ونەرىنە ول كىسىنىڭ سىڭىرگەن ەڭبەگى زور. تورعايدا «شەرتەر» ءانسامبلىن قۇرىپ, ماسكەۋدەگى ششەپكين اتىنداعى وقۋ ورنىن 17 جاس ءارتىس بىتىرە سالىسىمەن ولاردى تورعايعا əكەلىپ, قوس ونەر ورداسىن اشقانىنا كۋəمىن, سول ءانسامبلدىڭ ءəنشىسى بولدىم. الماتىدان «سازگەن», «ادىرنا», «التىناي» بي انسامبلدەرىن اشتى. ايتا بەرسە جاساعان ءىسى قانشاما, ەڭبەگى باعالاندى ما؟ ونەرپاز تارلاندار ويلانسىن. كۇلاش اپامىزدىڭ اتىندا مەكتەپتەر مەن كوللەدجدەر بار عوي, وزەكەڭدى قولداۋ دۇرىس, سول كىسىنى باعالايتىن كەز ەندى كەلگەن سياقتى.

باۋىرجان سابىربەكوۆ:
– وزبەكالى جانىبەكوۆتىڭ اتىن اقىرى بەرگەن سوڭ تەاترعا ەمەس, ۇلتتىق مۋزەيدىڭ اتىن بەرگەن دۇرىس شىعار.

Kaztheatre Astana:
– وسىدان بىرنەشە جىل بۇرىن جاستار تەاترىنا حالىق قاھارمانى ءازىربايجان ءماديۇلى مامبەتوۆتىڭ اتى بەرىلسە دەگەن xات جازىلعان ەدى.
جانبولات ماماي ەسىمدى فەيسبۋك قولدانۋشىسى جۇمابەك تاشەنوۆتىڭ اتىن استانا حالىقارالىق اۋەجايىنا لايىق كورىپ وتىر. سونداي-اق, ول الماتى اۋەجايىن ءدىنمۇ­حامەد قوناەۆتىڭ اتىنا بەرۋدى ۇسىندى. «الەمدە شارل دە گولل, كەننەدي, شوپەن اۋەجايلارى بار, نەگە بۇل ءتاجىري­بەگە سۇيەنبەسكە؟ تاريحىمىز بەن ۇلى تۇلعالارىمىزعا قۇرمەتىمىزدى وسىلاي كورسەتە الامىز» دەگەن ءۋاجدى ايتادى ول.
P.S. جالپى, كۇز تۇسكەلى ونوماستيكانىڭ تامىرىنا قان جۇگىرگەندەي. ماسەلەن, ەرتەڭ استانا قالالىق ءماسليحاتىنىڭ كەزەكتەن تىس سەسسياسى وتەدى. وندا قارالاتىن ماسەلەلەردىڭ ءبىرى قالاداعى جەكەلەگەن كوشە­لەرگە اتاۋ بەرۋ مەن كەيبىر كوشەلەردى قايتا اتاۋعا قاتىستى بولماق. سول جاقتان جار سالىپ سۇيىنشىلەي­تىندەي جاعىمدى جاڭالىقتى كۇتەمىز.

امانعالي قالجانوۆ