بەيبىتشىلىك جانە كەلىسىم سارايىندا قالالىق «جاڭا بەلەس-2014» اتتى ستۋدەنتتەر قاتارىنا قابىلداۋ ءراسىمى ءوتتى.
حالىقارالىق ستۋدەنتتەر كۇنىنە ورايلاستىرىلعان اتالمىش شارا جاستار ساياساتى ماسەلەلەرى باسقارماسىنىڭ باستاماسىمەن وسىمەن ەكىنشى رەت ۇيىمداستىرىلىپ وتىر. وعان استاناداعى 14 جوعارى وقۋ ورنى مەن 35 كوللەدجدىڭ ەڭ بەلسەندى جاستارى شاقىرىلدى. ولار – ۇبت-دان جوعارى ۇپاي جيناعاندار, رەكتور گرانتىنا يە بولعاندار جانە حالىقارالىق ءبىلىم, سپورت, ونەر سايىستارىندا جەڭىسكە جەتكەن 1-كۋرس ستۋدەنتتەرى.
«ستۋدەنتتىك بيلەت – مەكتەپتەن شىققان جاس تۇلەكتىڭ جاڭا بەلەسى. وسى بەلەسكە شىققان ادام ەڭ كەرەك ءبىلىمدى ساناسىنا توقيدى, تۇلعالىق قاسيەتتەرىن قالىپتاستىرادى. جاس دارىنداردىڭ بويىنداعى شىعارماشىلىق قابىلەتتەردى جەتىلدىرۋ ماقساتىمەن بۇگىنگى مەرەكەلىك كونتسەرتتە بيىلعى «جاستار جالىنى» فەستيۆالىنىڭ ۇزدىكتەرى دە ونەر كورسەتەدى» دەدى جاستار ساياساتىن قولداۋ مەملەكەتتىك قورىنىڭ ديرەكتورى باقىتجان جۇنىسبەكوۆ.
ەكى مىڭعا جۋىق ستۋدەنت جينالعان وسى كەشتە «بايتەرەك», «مەلومەن» جانە «فورمات» توبى, مارجان اراپباەۆا, قايرات باەكەنوۆ, سەرىك يبراگيموۆ, اعايىندى جۇگىنىسوۆتەر سىندى بىرقاتار ەسترادا جۇلدىزدارى ءان شىرقاپ, جاستارعا ستۋدەنتتىك بيلەت پەن ەستەلىك رەتىندە جاسالعان ستاتۋەتكالاردى تابىستادى.
ءمادينا جاقىپ
