ل.گۋميلەۆ اتىنداعى ەۋرازيا ۇلتتىق ۋنيۆەرسيتەتى «كاۋسار» مادەني-تانىمدىق بىرلەستىگىنىڭ ۇيىمداستىرۋىمەن مەملەكەت جانە قوعام قايراتكەرى, اقىن كاكىمبەك سالىقوۆپەن كەزدەسۋ ءوتتى.
تاعىلىمدى شارانى قازاقستاننىڭ ەڭبەك سىڭىرگەن ءارتىسى, ءبىرلەستىك جەتەكشىسى كەنجەعالي مىرجىقباي جۇرگىزىپ وتىردى.
كەشتە اقىننىڭ ءومىربايانى تانىستىرىلىپ, فيلولوگيا فاكۋل-
تەتىنىڭ ستۋدەنتتەرى ونىڭ ولەڭدەرىن وقىدى. پوەزيانىڭ اقساقالىنا جاس شايىر كامشات جۇباتقان جۇرەك جاردى جىر شۋماقتارىن ارنادى. سونداي-اق, فاريزا
جىلقايداروۆا, ادام كاكىم,
ءبىرجان ەسجانوۆ, قاپاش قۇلىشەۆا جانە سەرىك وسپانوۆتار اقىن سوزىنە جازىلعان «جەزكيىك», «ءۇش ارىس», «اقان سەرى», «وقجەتپەس», «كوكشەتاۋ», «ءبىر اۋىز ءسوز» سىندى اندەردى ناقىشىنا كەلتىرە ورىندادى.
باسقوسۋ كەش قوناعىنا ستۋدەنتتەر تاراپىنان قويىلعان ساۋالدارمەن جالعاستى. كاكىمبەك سالىقوۆ جان-جاقتى جاۋاپ قايتارىپ, ادەمى
ازىلدەرىمەن كەزدەسۋدىڭ اجارىن اشا ءتۇستى. شارا سوڭىندا اقىنعا جانە ونەرلى ستۋدەنتتەرگە ەستەلىك سىيلىقتار تاپسىرىلدى. قازاق پوەزياسىنىڭ قارياسى وقۋ ورنى ۇجىمىنا العىس ءبىلدىرىپ, قولتاڭباسىمەن جاڭا شىققان كىتابىن تارتۋ ەتتى.
دانيار قايىرتاەۆ,
ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ستۋدەنتى
