جول ەكى اپتاعا جابىلادى
جىلۋمەن قامتاماسىز ەتۋ جۇيەسىن قايتا جاڭعىرتۋ جۇمىستارىنا بايلانىستى كەنەسارى كوشەسىنىڭ بەيبىتشىلىك جانە جەلتوقسان كوشەسىنە دەيىنگى كولىك قوزعالىسى ەكى اپتاعا جابىلدى.
اتالمىش كوشەلەردە قىزۋ ەڭبەك باستالىپ كەتتى. استانا قالاسى ەنەرگەتيكا جانە كوممۋنالدىق شارۋاشىلىق باسقارماسى باستىعىنىڭ ورىنباسارى ەرمەكباي ساتەمىروۆتىڭ ايتۋىنشا, جاڭارتۋ بارىسىندا ديزولياتسيالانعان قۇبىرلار قولدانىلماقشى. ولاردىڭ ديامەترى 300 مم-دەن 500 مم-گە ۇلعايتىلىپ, ءتيىمدى جىلۋ جابدىقتارمەن قامتاماسىز ەتۋ كوزدەلگەن. قۇبىرلاردىڭ جىلۋ وتكىزۋ قابىلەتىن ۇلعايتۋمەن قاتار, زياندىلىعىن تومەندەتۋ قاراستىرىلۋدا. اتالمىش جۇمىستاردى جۇرگىزۋدى «استاناينجكومستروي» مەردىگەرلىك ۇيىمى قولعا العان. بۇگىندە 7 قۇرىلىس تەحنيكاسى مەن 20-دان استام بىلىكتى مامان جىلۋ جۇيەسىن جاڭارتۋ ءۇشىن بىلەك سىبانا كىرىسىپ كەتتى.
استانا قالاسى ءىىد جول پوليتسيياسى باسقارماسى قالا تۇرعىندارى مەن قوناقتارىنا بالاما قوزعالىس باعىتتارىمەن ءجۇرۋدى ۇسىنۋدا. جول باقىلاۋ ءبولىمىنىڭ باستىعى نۇرلان ۋۆاەۆ جول بەلگىلەرىن جانە جول پوليتسياسى قىزمەتكەرلەرىنىڭ تالاپتارى مەن نۇسقاۋلارىن قاتاڭ ساقتاۋ كەرەكتىگىن العا تارتتى. 31-تامىزعا دەيىن جالعاساتىن قۇرىلىس جۇمىستارىنا بايلانىستى بۇل باعىتتا قاتىنايتىن №1, 9, 17, 18, 23, 25, 31, 32, 37, 47, 112 اۆتوبۋستار ەندى كەنەسارى – رەسپۋبليكا داڭعىلى – اباي – جەلتوقسان – كەنەسارى كوشەسىنە شىعىپ, ودان ءارى بۇرىنعى مارشرۋتىمەن جۇرەتىن بولادى.
گۇلميرا ايماعانبەت